Aktual mövzular: Dollar alış-satışı , Hava haqqında, Məzənnə, Neftin qiyməti

Daha 3 hakimimizin adı FIFA-ya təqdim olunub

Daha 3 hakimimizin adı FIFA-ya təqdim olunub

Date: 14 October 2016 16:57

Azərbaycanın daha bir baş hakiminin adı FİFA Hakimlər Komitəsinə təqdim edilib. Fanat.Az xəbər verir ki, bu barədə "Report"a AFFA Hakimlər Komitəsinin sədri Xaqani Məmmədov məlumat verib.


Onun sözlərinə görə, ali futbol qurumuna ümumilikdə 12 hakimin adı olan siyahı göndərilib: "Siyahıda olanlardan hazırda üç baş hakim və altı yan xətt hakimi FİFA referisi adını daşıyır. Siyahıda bir yeni baş hakim və iki köməkçi hakimin adı yer alıb. Sadəcə, bu şəxslərin adlarını indi açıqlaya bilməyəcəm. Çünki FİFA Hakimlər Komitəsi qəbul etməsə, bu həmin hakimlərə mənəvi cəhətdən çox pis təsir edə bilər".


X.Məmmədov bildirib ki, FİFA siyahılara noyabrın sonlarında keçiriləcək Hakimlər Komitəsinin iclasında baxacaq və qərarını verəcək.


Qeyd edək ki, azərbayacnlı FİFA referiləri Əliyar Ağayev, Rəhim Həsənov və Orxan Məmmədov, FİFA laynsmanları isə Yaşar Abbasov, Zeynal Zeynalov, Namiq Hüseynov, Mübariz Haşimov, Vaqif Musayev və Rza Məmmədovdur.


Fanat.Az



Tags:  hakimimizin adı FIFA-ya təqdim olunub

RƏYLƏR


Top news