Aktual mövzular: Dollar alış-satışı , Hava, Məzənnə, Neftin qiyməti

Azərbaycanda valyuta alqı-satqısı qaydalarına dəyişiklik edildi

Azərbaycanda valyuta alqı-satqısı qaydalarına dəyişiklik edildi

Bakıda YANĞIN (18 Mart 2017 17:17)
Qadın "makler" məhkəmə zalında həbs edildi - 92 MİN DAVASI (09 Mart 2017 12:09)
“Qara bazar”da dollar satan şəxslər tutuldu - FOTO (15 Fevral 2017 11:43)

Tarix: 14 Oktyabr 2016 19:38

Azərbaycanda “Mübadilə şöbələrinin təşkili və mübadilə əməliyyatlarının aparılması Qaydaları”nda dəyişiklik edilib.

Publika.az xəbər verir ki, Mərkəzi Bankın bu qərarı fiziki və hüquqi şəxslərin mülkiyyətində olan xarici valyuta vəsaitlərinin dövriyyəyə qayıtmasını asanlaşdırmaq məqsədi daşıyır.

Yeni qərarla şəxsiyyəti təsdiq edən sənəd əsasında müştəridən 10 000 ABŞ dollarına ekvivalent məbləğdən artıq alınmasına icazə verilib.

Qərara əsasən, Mərkəzi Bankın İdarə Heyətinin 2015-ci il 29 dekabr tarixli 44/1 nömrəli Qərarı ilə təsdiq edilmiş “Mübadilə şöbələrinin təşkili və mübadilə əməliyyatlarının aparılması Qaydaları”nın 8.5-ci bəndi aşağıdakı redaksiyada verilib: “8.5. Mübadilə şöbəsində nağd xarici valyutanın və xarici valyutada yol çeklərinin bir müştəriyə 500 (beş yüz) ABŞ dollarına ekvivalent məbləğdən artıq satılması, habelə bir müştəridən 10 000 (on min) ABŞ dollarına ekvivalent məbləğdən artıq alınması şəxsiyyəti təsdiq edən sənəd əsasında aparılır.”

Qeyd edək ki, əvvəlki qərara əsasən, mübadilə şöbəsində bir müştəriyə 500 dollara ekvivalent məbləğdən artıq mübadilə əməliyyatı şəxsiyyəti təsdiq edən sənəd əsasında aparılırdı.


Teqlər:  Azərbaycanda valyuta alqı-satqısı qaydalarına dəyişiklik edildi



RƏYLƏR


Top xəbərlər