Aktual mövzular: Dollar alış-satışı , Hava, Məzənnə, Neftin qiyməti

Ticarət mərkəzindən oğurluq etməkdə təqsirləndirilən şəxs apellyasiya şikayəti verib

Ticarət mərkəzindən oğurluq etməkdə təqsirləndirilən şəxs apellyasiya şikayəti verib

Bakıda məscidi partlatmaq istəyən terrorçudan XƏBƏR VAR (18 Mart 2017 10:22)
Bakıda bir nəfəri öldürən, digərini isə bıçaqlayan şəxs haqda xəbər var (15 Mart 2017 22:12)
Arvadını stəkanla öldürən şəxsin şikayəti təmin edilməyib (15 Mart 2017 21:52)

Tarix: 15 Oktyabr 2016 10:47

Bakı. 15 oktyabr. REPORT.AZ/ Ticarət mərkəzindən oğurluq etməkdə təqsirləndirilən Viktoriya Kotlyar barəsində olan hökmdən apellyasiya şikayəti verib.
“Report”un məlumatına görə, Bakı Apellyasiya Məhkəməsində keçiriləcək məhkəmə prosesi oktyabrın 18-nə təyin edilib.
İşə hakim Qail Məmmədovun sədrliyi ilə baxılacaq.
Qeyd edək ki, polis əməkdaşlarının keçirdikləri əməliyyat tədbirləri nəticəsində ötən il iyunun 4-də Q.Qarayev prospektində yerləşən mağazada Bakı şəhər sakinləri - Səbinə Bəşirovanın, Tükəzban Yusubovanın mobil telefonlarını və Ruqaya Kazımovanın içərisində pul, iki ədəd mobil telefon olan əl çantasını oğurlamaqda şübhəli bilinən Bakı şəhər sakini, əvvəllər məhkum olunmuş 1985-ci il təvəllüdlü Viktoriya Kotlyar yaxalanıb.
Araşdırma zamanı onun törətdiyi digər cinayətlərin də üstü açılıb. Belə ki, Viktoriya Kotlyar aprelin 7-də B.Nuriyev küçəsində yerləşən ticarət mərkəzində Rəfael Babayevin pencəyinin cibindən 1300 manat, sentyabrın 14-də Q.Qarayev prospektində yerləşən ticarət mərkəzində Atifa Finuninin əl çantasından içərisində 480 manat, metro kartı olan pul kisəsini, sentyabrın 14-də Pərvanə Əmirovanın, sentyabrın 22-də Gülşən Həşimovanın əl çantasından pul və sənədləri oğurlayıb.
O, Cinayət Məcəlləsinin 177-ci (oğurluq) maddəsi ilə ittiham olunub.
Bakı Ağır Cinayətlər Məhkəməsinin hökmü ilə V. Kotlyar 9 il azadlıqdan məhrum edilib. Hökmdən narazı qalan məhkum apellyasiya şikayəti ilə Bakı Apellyasiya Məhkəməsinə müraciət edib.

Teqlər:  Ticarət mərkəzindən oğurluq etməkdə təqsirləndirilən şəxs apellyasiya şikayəti verib



RƏYLƏR


Top xəbərlər