Aktual mövzular: Dollar alış-satışı , Hava haqqında, Məzənnə, Neftin qiyməti

Pakistan Azərbaycana yeni ixrac marşrutları təklif edir

Pakistan Azərbaycana yeni ixrac marşrutları təklif edir

Date: 15 October 2016 11:07

Bakı. 15 oktyabr. REPORT.AZ/ Pakistanın Ticarət Palatası və Sənaye Federasiyası (FPCCI) tərkibindəki Bağbanlıq Daimi Komitəsi Azərbaycanla ticarət və investisiyanın artırılması üçün birgə Ticarət Palatası və sənayenin yaradılmasını təklif edir.
“Report” Pakistanın “The Express Tribune” nəşrinə istinadən xəbər verir ki, bu barədə bəyanatı Komitə yayıb.
Komitənin sədri Əhməd Cavad bildirib ki, Mərkəzi Asiya ölkələrini birləşdirən "İpək yolu" əsas marşrutdur. O qeyd edib ki, Pakistanın geostrateji mövqeyi nəzərə alınaraq Azərbaycan öz məhsullarını Qvadar və Kəraçinin digər limanları vasitəsilə Regional Əməkdaşlıq üzrə Cənubi Asiya Assosiasiyası (SAARC), Cənub-Şərqi Asiya Ölkələri Assosiasiyası (ASEAN) və Fars Körfəzi Ölkələrinin Əməkdaşlıq Şurasına (GCC) üzv ölkələrə ixrac edə bilər.
Digər tərəfdən isə o vurğulayıb ki, Pakistan manqo, xurma, meyvə kimi kənd təsərrüfatı məhsullarını və idman avadanlıqlarını Azərbaycana ixrac edə bilər.
Ə.Cavad bildirib ki, Pakistanın basmati düyüsünə Azərbaycanda böyük tələbat var, eyni zamanda iki ölkənin əczaçılıq və cərrahi avadanlıqların istehsalı üçün birgə müəssisə yaratmaq potensialı var.
Onun sözlərinə görə, iki ölkə arasındakı illik ticarətin həcmi son beş ildə 17-25 mln.dollar arasında olub: “Pakistan-Azərbaycan arasında birgə Nazirlər Komissiyasının yaradılmasına və 30-dan çox anlaşma memorandumun imzalanmasına baxmayaraq ticarət əlaqələrində böyük inkişaf olmayıb”.
O, həmçinin qeyd edib ki, Azərbaycan külək, günəş və su elektrik stansiyası kimi böyük bərpa olunan enerji imkalarına malikdir və enerji sektorunda Pakistana kömək edə bilər.

Tags:  Pakistan Azərbaycana yeni ixrac marşrutları təklif edir


RƏYLƏR


Top news