Bakı. 15 oktyabr. REPORT.AZ/ "Azercell Telecom" MMC-nin abunəçiləri üçün 15 noyabr tarixindən etibarən rouminq xidməti çərçivəsində bir sıra mobil operatorların telekommunikasiya şəbəkəsindən istifadə edərkən yeni tariflər tətbiq edəcək.
"Report" bu barədə şirkətə istinadən xəbər verir.
Qeyd edək ki, Azərbaycanın aparıcı mobil rabitə operatoru olan “Azercell Telecom” şirkəti oktyabrın 20-dən etibarən bir sıra ölkələrdə həm fakturalı xətt, həm də fakturasız (SimSim) xətt sistemlərinə aid nömrələrdə rouminq xidmətindən istifadə ilə bağlı bəzi ölkələrin operatorları üzrə vahid xidmət haqları tətbiq edəcək.
