Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycan biznesmenləri İndoneziyadakı iş imkanları ilə tanış olublar

Azərbaycan biznesmenləri İndoneziyadakı iş imkanları ilə tanış olublar

Date: 15 October 2016 14:07

Bakı. 15 oktyabr. REPORT.AZ/ Cakartada keçirilən Trade Expo İndonesia - 2016 ticarət sərgisində iştirak edən Azərbaycan nümayəndə heyəti bu ölkədə bir sıra görüşlər keçiriblər.
İndoneziyanın Azərbaycandakı səfirliyindən “Report”a verilən məlumata görə, “İpək yolu” sahibkarlığa dəstək ictimai birliyi və İndoneziyanın Azərbaycandakı səfiri Hüsnan Bəy Fənanidən ibarət olan nümayəndə heyəti əvvəlcə İndoneziyanın həcc və ümrə ziyarətlərin təşkili ilə məşğul olan AMPURİ müsəlman assosiyasiyanın sədr müavini Çeppi Vahyu Hidayət (Cheppy Wahyu Hidayat) və baş katib Budi Firmansyahla (Budi Firmansyah) görüşüblər.
Görüşdə bildirilib ki, ildə təqribən bir milyon indoneziyalı həcc və ümrə ziyarətləri üçün Səudiyyə Ərəbistanını ziyarət edir. Qeyd olunub ki, Azərbaycan İndoneziya vətəndaşları üçün vizaları hava limanlarında versə, indoneziyalılar dini ziyarətlərdən sonra Azərbaycana gəlib, bu ölkənin gözəlliyi ilə tanış ola bilərlər.
Görüş zamanı AMPURİ təşkiların nümayəndələri üçün Azərbaycanın imkanları ilə bağlı təqdimat keçirilib.
Bundan başqa, nümayəndə heyətinin üzvləri İndoneziyada taxta, alüminium, parça, kağız qablaşdırma, dəniz məhsulları ilə məşhul olan biznesmenlərlə görüş keçiblər, əməkdaşlıq imkanları nəzərdən keçirilib.
Azərbaycanlı biznesmenlər eyni zamanda İndoneziyanın Şirebon şəhərini də ziyarət ediblər və orada mebel istehsal edən müəssisələrlə tanış olublar.







Tags:  Azərbaycan biznesmenləri İndoneziyadakı imkanları tanış olublar

RƏYLƏR


Top news