Azərbaycanda şüşə lövhələr zavodu tikiləcək

Azərbaycanda şüşə lövhələr zavodu tikiləcək
15:22 15 Oktyabr 2016
Ölkə mətbuatı
A- A+

Bakı. 15 oktyabr. REPORT.AZ/ Sumqayıt Kimya Sənaye Parkında sənaye parkının rezidenti olan “AzerFloat” QSC və Almaniyanın “HORN Glass Industries AG” şirkəti arasında Saziş imzalanıb.
"Report"un İqtisadiyyat Nazirliyinə istinadən verdiyi xəbərə görə, sənədə əsasən, şüşə əritmə texnologiyaları sahəsində 125 illik təcrübəyə malik olan Almaniyanın “HORN Glass Industries AG” şirkəti Sumqayıt Kimya Sənaye Parkının ərazisində yaradılacaq şüşə lövhələri istehsalı müəssisəsinin layihələndirilməsini həyata keçirəcək, müəssisəni müasir avadanlıqlar və texnologiyalarla təchiz edəcək.
“AzerFloat” QSC şirkəti Sumqayıt Kimya Sənaye Parkında “Float” texnologiyası (isti vannada yayma) əsasında şüşə lövhələr istehsalını təşkil edəcək. Layihə çərçivəsində ildə 8 mln kv.m müxtəlif çeşiddə şüşə lövhələr istehsal etmək gücündə olan Vərəqə Şüşə İstehsalı Zavodu inşa ediləcək, 150 nəfər işlə təmin olunacaq.
Ümumi investisiya dəyəri 89 mln. avro təşkil edən layihənin 2018-ci ilin sonuna istismara verilməsi nəzərdə tutulur.
Qeyd edək ki, hazırda ölkədə vərəqə şüşələrə olan tələbat əsasən idxal məhsulları hesabına təmin olunur. “AzerFloat” QSC-nin istehsal edəcəyi məhsullar daxili tələbatı ödəməklə yanaşı, “Made in Azerbaijan” brendi ilə xarici ölkələrə də ixrac ediləcək.


Xəbərin orijinal ünvanı: http://report.az/i-nfrastruktur/azerbaycanda-suse-lovheler-zavodu-tikilecek

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR