Azərbaycan Premyer Liqasında 12 günlük fasilə başa çatıb.
Milli.Az apasport.az-a istinadən xəbər verir ki, bu gün çempionatda II dövrəyə start verilib.
VIII turun ilk oyun günündə 2 qarşılaşma baş tutub ki, hər ikisi paytaxt Bakıda oynanılıb.
Təbii ki, əsas diqqətlər "İnter Arena"dakı görüşdə idi. Çünki turnir cədvəlinin ilk iki pilləsində qərarlaşan "İnter"lə "Qəbələ" münasibətlərinə aydınlıq gətirib. Mövsüm boyunca ilk 7 oyunda məğlubiyyət üzü görməyən və qol buraxmayan Roman Qriqorçukun yetirmələri bu dəfə də uduzmasalar da, qol buraxmamaq seriyası sona çatıb.
Görüş 1:1 hesablı bərabərliklə yekunlaşıb. Meydan sahiblərinin oyunçusu Ağabala Ramazanovun vurduğu qola qonaqlar Sergey Zenyovla cavab verib.
Cari mövsüm "Azərsun Arena"da ilk oyununa çıxan "Qarabağ" isə debütünü 3 xalla qeyd edib. "Sumqayıt"ı sınağa çəkən ağdamlılar buna 3 qolla nail olublar. Bu oyunda iki seriya qırılıb. Belə ki, həm Qurban Qurbanovun yetirmələrinin iki oyunluq qələbəsizlik, həm də Samir Abasovun komandasının iki oyunluq məğlubiyyətsizlik seriyası sona çatıb.
"Qarabağ" - "Sumqayıt" - 3:0
Qollar: Miçel, 42, İlqar Qurbanov, 44, Dino Ndlovu, 90+3
Hakimlər: Əliyar Ağayev, Zeynal Zeynalov, Rza Məmmədov, Namiq Hüseynov
Əlavə köməkçi hakimlər: Rauf Cabbarov, Ramil Diniyev
AFFA nümayəndəsi: Maşallah Əhmədov
Hakim-inspektor: Murad Məmmədov
"Azərsun Arena"
I dövrədəki oyun - 2:0
"Qarabağ": 13. İbrahim Şehiç, 5. Maksim Medvedev (k), 6. Dino Ndlovu, 8. Migel Markos Madera, 9. Reynaldo, 18. İlqar Qurbanov, 20. Riçard Almeyda, 21. Arif Daşdəmirov, 55. Bədavi Hüseynov, 91. Coşqun Diniyev, 99. Dani Kintana
Ehtiyat oyunçular: 12. Şahruddin Məhəmmədəliyev, 2. Qara Qarayev, 10. Muarem Muarem, 11. Mahir Mədətov, 15. Rahid Əmirquliyev, 17. Namiq Ələskərov, 25. Ansi Aqolli
Baş məşqçi: Qurban Qurbanov
"Sumqayıt": 1. Fərhad Vəliyev, 2. Rail Məlikov, 3. Vurğun Hüseynov (k), 5. Seymur Əsədov, 7. Vaqif Cavadov, 19. Azər Salahlı, 22. Mirabdulla Abbasov, 24. Amit Quluzadə, 25. Ayaz Mehdiyev, 66. Afşin Esmaeilzadeh, 74. Yusif Nəbiyev
Ehtiyat oyunçular: 94. Tərlan Əhmədli, 9. Amil Yunanov, 10. Məhəmməd Qurbanov, 11. İbrahim Abednezhad, 14. Bəxtiyar Həsənalızadə, 21. Nasır Abilayev, 42. Kamran Abdullazadə
Milli.Az 
