Aktual mövzular: Dollar alış-satışı , Hava haqqında, Məzənnə, Neftin qiyməti

Rusiya sərhədçiləri ilə KXDR-in balıqçı gəmisi arasında silahlı insident baş verib, 1 nəfər öldürülüb, 8 nəfər yaralanıb

Rusiya sərhədçiləri ilə KXDR-in balıqçı gəmisi arasında silahlı insident baş verib, 1 nəfər öldürülüb, 8 nəfər yaralanıb

Date: 15 October 2016 21:12

Bakı. 15 oktyabr. REPORT.AZ/ Rusiya sərhədçiləri Yapon dənizində, Rusiya Federasiyasının xüsusi iqtisadi zonasında silah tətbiq etməklə Şimali Koreya Xalq Demokratik Respublikasının balıqçı gəmisini saxlayıblar.
"Report"un məlumatına görə, bu barədə Rusiya Federal Təhlükəsizlik Xidmətinin saytındakı xəbərdə bildirilib. "Dae Yanq 10" gəmisinin komandası nəzarət qrupunun üzvlərinə qarşı aqressiv davranıb" – deyə xəbərdə bildirilir.
Saxlanılmış gəmi Rusiya Federasiyasının iqtisadi zonasından çıxaraq hərəkətə başlayıb. Koreya Xalq Demokratik Respublikasının gəmisinin komanda üzvləri Rusiyanın Federal Təhlükəsizlik Xidmətinin əməkdaşlarına hücum etməyə çalışıblar. Bu zaman sərhədçilərdən biri başından yaralanıb. 
Rusiya sərhədçilərinə hücum cəhdi zamanı Şimali Koreyanın balıqçı gəmisinin də doqquz üzvü xəsarət alıb.
"Onlardan biri daha sonra ölüb" – deyə Rusiyanın Federal Təhlükəsizlik Xidmətinin mətbuat xidməti bildirir.
 KXDR gəmisinin ekipaj üzvləri 48 nəfərdən ibarət olub.

Tags:  Rusiya sərhədçiləri KXDR-in balıqçı gəmisi arasında silahlı insident baş verib nəfər öldürülüb nəfər yaralanıb

RƏYLƏR


Top news