Türkiyənin Uşak şəhərində yaşayan və balıqçılıqla məşğul olan İbrahim və Mehmet Teker qardaşları qeyri-adi ov üsulları ilə ölkə gündəmini zəbt ediblər.
Publika.az “Habertürk”ə istinadən xəbər verir ki, qardaşlar göllərdəki balıqları əllə ovlamaları ilə hər kəsin diqqətini cəlb etməyə başlayıblar.
Onlar balıq ovunda heç bir texnoloji üsullardan istifadə etməyərək suya yalın əllə girir və balıqları əlləri ilə tuturlar. Onlar bu üsulu babalarından öyrəniblər.
İbrahim Teker balıq mövsümünün başlaması ilə əlaqədar hər həftə Uşak və ətrafdakı yaşayış məskənindəki su hövzələrinə getdiklərini, babalarından öyrəndikləri üsula əsasən balıqları əllə tutduqlarını deyir.
“Əllə edilən ov digər ov üsullarından daha maraqlıdır” – deyən İbrahim Teker bunun üçün səbrli olmağın lazım gəldiyini vurğulayır. “Balığı əllə tutmaq olduqca həyəcanlı məşğuliyyətdir. Bəzən 7-8 kiloluq balığı əllə yaxalamaq üçün böyük əmək sərf edirik".
Balıqların su altında daha çox ağac, bitki kökləri ətrafında olduğunu deyən İbrahim Teker qohumu Kadir Təkəri də ova gətirərək əllə balıq ovlama üsulunu ona öyrətdiklərini deyir.
Anar 
