Uzun müddət siyasi böhranın davam etdiyi Tunisdə hökumət başçısı təyin edilib. Tunis parlamentinin spikerinin açıqlamasına görə, ölkənin yeni baş naziri postuna keçmiş daxili işlər naziri Həbib Essid seçilib.
ANS PRESS-in məlumatına görə, "Nida Tunis" partiyası tərəfindən namizədliyi irəli sürülmüş Həbib Essid daha əvvəl Tunisin keçmiş prezidenti Zeynəl Abidin ben Əlinin hökumətində çalışıb. 2011-ci ildə "Yasəmən inqilabı"ndan sonra isə daxili işlər naziri postunu tutub. Yaxın vaxtlarda Həbib Essidin Tunisin yeni Nazirlər Kabinetini formalaşdıracağı gözlənilir.
Tunisin keçmiş baş naziri Beci Kaid əs-Sebsi isə prezident seçkilərinin ikinci turunda qalib gəldikdən sonra dekabrın 31-də prezident kürsüsünə əyləşib.