Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Toyu film sanan 3 oğlanı polis tutdu

Toyu film sanan 3 oğlanı polis tutdu

Date: 16 October 2016 17:52

Gəncədə yol hərəkəti qaydalarını pozaraq müxtəlif ərazilərdə və toy karvanlarında avtoxuliqanlıq edən 3 nəfər saxlanılıb.

APA-nın verdiyi məlumata görə, Gəncə Şəhər Baş Polis İdarəsi Dövlət Yol Polisi Şöbəsi əməkdaşları şəhərin müxtəlif ərazilərində avtoxuliqanlıq edən gəncləri müəyyən edərək məsuliyyətə cəlb edib.
 
Saxlanılan şəxslər - Gəncə şəhər sakinləri, 1991-ci il təvəllüdlü Emin Bədirov "Hyundai" markalı avtomobillə, 1989-cu il təvəllüdlü Ruslan Səlimov "VAZ-2107" ilə və Samux rayon sakini, 1993-cü il təvəllüdlü Ceyhun Əliyev isə "Niva" markalı maşın ilə avtoxuliqanlıq ediblər. DYP-nin inspektoru Hacı Həsənovun verdiyi məlumata görə, avtoxuliqanlıq edən sürücülər həm vizual qaydada, həm də təhlükəsiz şəhər kameralarının görüntüləri vasitəsiylə müəyyən edilib. Onların sürücülük hüququ məhkəmənin qərarı ilə bir il müddətində məhdudlaşdırılıb və barələrində inzibati qaydada 20 sutkalıq həbs qəti imkan tədbiri seçilib.
 
Yol Polisi əməkdaşları şəhərdə qayda pozan və avtoxuliqanlıq edən sürücülərə qarsı tədbirlərin mütəmadi olaraq davam etdiriləcəyini bildiriblər. 

Milli.Az


Tags:  Toyu film sanan oğlanı polis tutdu


RƏYLƏR


Top news