Aktual mövzular: Dollar alış-satışı , Hava haqqında, Məzənnə, Neftin qiyməti

Qaziantepdə daha bir "canlı bomba" partladı

Qaziantepdə daha bir "canlı bomba" partladı

Date: 16 October 2016 18:33

Bu gün Türkiyənin Qaziantep şəhərində növbəti antiterror əməliyyatı keçirilib.

Publika.az xəbər verir ki, şəhərin Burak məhəlləsində bir binada İŞİD terror təşkilatının Qaziantep rayonu üzrə məsul şəxs olan, rayonda terror aktlarını planlaşdıran və canlı bomba hücrələrini idarə edən Mehmet Kadir Sabel zərərsizləşdirilib. Terrorçu qaçmaq şansı olmadığını görərək üzərindəki partlayıcı qurğunu işə salıb. Partlayış nəticəsində hüquq-mühafizə orqanlarının əməkdaşları arasında tələfat, yaralı olub-olmadığı barədə hələ açıqlama verilməyib.

M. K. Sabelin həyat yoldaşı və iki övladı sağ yaxalanıb.

Qeyd edək ki, bu gün səhər Qaziantep şəhərində Qaziantep Universiteti qarşısındakı küçədə evlərdən birində İŞİD terrorçusunun üzərindəki partlayıcı qurğunu işə salması nəticəsində 3 polis şəhid olub, 4 suriyalı olmaqla, 8 nəfər yaralanıb.


Tags:  Qaziantepdə canlı bomba partladı

RƏYLƏR


Top news