Səhər yeməyi orqanizm üçün çox mühümdür və bir çox tanınmış siyasətçilər, alimlər, musiqiçilər, ümumiyyətlə, güclü şəxsiyyətlər bunu gözəl bilirdi. Lakin onların zövqü çox səciyyəvi və müxtəlif olub. Bu məqaləni oxuduqdan sonra buna bir daha əmin ola biləcəksiniz.
Milli.Az publika.az-a istinadən dahi şəxsiyyətlərin səhər menyularını təqdim edir.
Viktor Hüqo: Çiy yumurta və soyuq qəhvə
Normandiya adalarında mühacirətdə yaşayan Hüqo hər səhər işə başlamazdan əvvəl iki yarı çiy bişmiş yumurta yeyir və bir fincan qəhvə içirdi. Məhz bu dövrdə dahi yazıçının ağlına "Səfillər" roman-epopeyasını yazmaq ideyası gəlib.
Maxatma Qandi: Sıyıq, kakao və keçi südü
Məlumdur ki, Qandinin çox uzun müddət ərzində vəzifə gözləyib, lakin o, Londonda Hindistan xalqının hüquqları uğrunda mübarizə aparanda günə sadə səhər yeməyi, sıyıq, keçi süd və kakao ilə başlayırdı.
Albert Eynşteyn: Qayğanaq, bal və göbələk
Qerta Valdova - Albert Eynşteynin qulluqçusu iddia edir ki, professor hər səhər qayğanaq, göbələk və bal yeyirdi. Ümumiyyətlə, göbələk alimin sevdiyi qida idi. Deyilənlərə görə, onun evinə vedrə ilə göbələk gətirərdilər.
Uolt Uitmen: Qırmızı ət və dəniz məhsulları
Uolt Uitmen ət dəlisi idi. O, hətta səhəri də qırmızı ətlə başlayırdı. Dostları Uolta bu cür qidalanmanın onun sağlamlığına zərə verəcəyini desə də, məşhur amerikalı şair və publisist heç nəyi vecinə almırdı.
Volfqanq Amadey Motsart: Axtalanmış xoruzun (xüsusi olaraq kökəldilmiş xoruz) yarısı
Motsart da Uitmen kimi protein tərkibi yüksək olan yeməklərə üstünlük verirdi. Onun bəyəndiyi yeməklər xususi olaraq bəslənmiş xoruzdan, nərə əti, donuz kotleti, flamandsayağı mal əti və pivədən ibarət idi.
Uinston Çörçill: Yumurta, ət, qreypfrut və tost
Böyük Britaniyanın baş nazirinin səhər süfrəsi həmişə dadlı yeməklərlə zəngin olmalı idi. Buraya tostlar, cem, soyuq ət yeməkləri, qreypfrut, yumurta və əlbəttə ki, sodalı viski daxil idi. O, iki böyük sinidə yemək gətirilməsini xoşlayırdı. Birinci sinidə qəhvə, süd, soyuq toyuq və ya digər ət, yağ, tost, cem vardı. İkinci məcməyidə bir stəkan qreypfrut suyu, qəndqabı, skvoş və sodalı viski, portağal.
Ceyn Ostin: keks və çay
Ceyn Ostin çayı çox sevirdi. O, bu barədə öz romanlarda tez-tez anır, onun məktublarından isə belə nəticə çıxarmaq olar ki, yazıçı bu içkinin ehtiraslı pərəstişkarı olub. Bir də o, adətən səhər yeməyini saat 10 radələrində yeyirdi.
Klod Mone: Ədviyyatlı omlet
Çox az adam bilir ki, impressionizmin yaradıcılarından biri, fransız rəssamı Klod Mone ağzının dadını bilən adam idi. O, səhərlər doyumlu yeməklərə üstünlük verirdi. Rəssamın səhər menyusuna ətirli souslar ilə hazırlanmış omlet, pendir, qızardılmış sosiska və portağal marmeladla qızardılmış çörək və çay daxil idi.
I Yelizaveta: Ağ çörək, qoyun ətindən bişirilən dadlı şorba və pivə
Aşpazların sözlərinə görə, kraliça gündə üç dəfə yeyirdi, onun səhər menyusu ağ çörək, bir parç pivə, şərab və qoyun ətindən bişirilən dadlı şorbadan ibarət idi. Şorbaya adətən kasnı bitkisi və çoxlu ədviyyatlar əlavə olunurdu.
Tomas Alva Edison: Alma şirniyyatı
Tomas Edison bu şirniyyatın dadı ilə Nyu-Yorka köçəndən sonra tanış olub və çox bəyənib. 22 yaşlı ac Tomas çay paketini almalı şirniyyata və bir fincan qəhvəyə dəyişmək üçün şəhərin mərkəzinə küçələrində restoranları saatlarla gəzirdi. Sonralar bu şirniyyat onun sevdiyi yemək növü olub.
Milli.Az
