Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycanda yaşayan Bolqarıstan vətəndaşları prezident seçkisi və referendumda səs verə biləcəklər

Azərbaycanda yaşayan Bolqarıstan vətəndaşları  prezident seçkisi və referendumda səs verə biləcəklər

Date: 17 October 2016 01:17

Sofiya. 16 oktyabr. REPORT.AZ/ Noyabrın 6-da Bolqarıstanda keçiriləcək prezident seçkisi və referendumda Azərbaycanda yaşayan bu ölkənin vətəndaşlarına da səs vermək imkanı yaradılacaq.
“Report”un Şərqi Avropa bürosu xəbər verir ki, Bolqarıstan Mərkəzi Seçki Komissiyası səsvermənin təşkil olunacağı xarici ölkələrdəki seçki məntəqələrinin siyahısını təsdiq edib. Azərbaycan da daxil olmaqla ümumilikdə 72 ölkədə 301 seçki məntəqəsi yaradılıb. Bu məntəqələrin 93-ü Bolqarıstanın xarici ölkələrdəki səfirlik və konsulluqlarında açılacaq. ABŞ, Böyük Britaniya və Türkiyədə 35, İspaniyada 27, Yunanıstanda isə 13 seçki məntəqəsi yaradılacaq.
Qeyd edək ki, Bolqarıstanda prezident və vitse-prezident vəzifələri uğrunda seçkidə partiya, hərəkat, təşəbbüs qrupları və birlikləri təmsil edən 24 cütlüyün namizədliyi qeydiyyata alınıb. Oktyabrın 6-dan etibarən isə namizəd cütlüklər prezident seçkisi üzrə rəsmən təbliğat kampaniyasına başlayıblar. Prezident seçkiləri ilə yanaşı ölkədə referendum da keçiriləcək. Referenduma “seçkilərin keçirilməsi proseduru və siyasi partiyalara dövlət tərəfindən subsidiyaların ayrılması” məsələləri ümumxalq səsverməsinə çıxarılacaq.
Bolqarıstan hökuməti prezident seçkiləri və referendumun keçirilməsinə 50 mln lev (24,5 mln avro) ayırıb. 

Tags:  Azərbaycanda yaşayan Bolqarıstan vətəndaşları prezident seçkisi referendumda səs verə biləcəklər

RƏYLƏR


Top news