Aktual mövzular: Dollar alış-satışı , Hava haqqında, Məzənnə, Neftin qiyməti

Yol polisindən sürücülərə XƏBƏRDARLIQ

Yol polisindən sürücülərə XƏBƏRDARLIQ

Date: 17 October 2016 10:27

Baş Dövlət Yol Polisi İdarəsi (BŞBPİ) ölkə ərazisində müşahidə olunan yağışlı hava şəraiti ilə bağlı sürücülərə müraciət edib.

Milli.Az bildirir ki, idarənin ictimai əlaqələr bölməsinin rəisi, polis polkovniki Vaqif Əsədov salamnews-a deyib ki, Dövlət Yol Polisi İdarəsi avtomobilin texniki cəhətdən saz vəziyyətdə olmasına diqqət yetirilməsini vacib sayır. Nəqliyyat vasitəsinin təkərləri, şüşəsilənlər, duman faraları, işıq cihazları saz vəziyyətdə olmalıdır. Nasazlıq olan avtomobillə yola çıxmaq təhlükəlidir.

Baş Dövlət Yol Polisi İdarəsi Bakıda və Abşeron yarımadasında, respublikanın digər bölgələrində, xüsusən də dağlıq və dağətəyi ərazilərdə avtomobillə yola çıxan sürücülərdən yollarda son dərəcə diqqətli olmağı xahiş edir. Ara məsafəsi saxlamaq, sürət həddini aşmamaq, ötmə-manevr qaydalarına əməl etmək sizin mənzil başına sağ-salamat çatmağınız üçün olduqca önəmlidir.

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə isə gün ərzində Bakıda güclü şimal-qərb küləyi əsəcək. Bəzi yerlərdə güclü olacağı, şimşək çaxacağı ehtimalı var. 

Azərbaycanın rayonlarında isə gün ərzdə yağış yağacaq, arabir leysan xarakterli intensiv olacağı gözlənilir. Bəzi yerlərdə güclü olacağı, dağlıq və dağətəyi rayonlarda sulu qara, qara keçəcəyi ehtimalı var. 

Milli.Az


Tags:  Yol polisindən sürücülərə XƏBƏRDARLIQ

RƏYLƏR


Top news