Əvvəlcədən xəbər verildiyi kimi, oktyabrın 16-ı gündüzdən 17-i səhərədək ölkə ərazisində qeyri-sabit hava şəraiti davam edərək şimşək çaxıb, yağış yağıb, bəzi yerlərdə intensiv olub, dağlıq və dağətəyi rayonlarda sulu qar, qar yağıb.
Bu barədə Publika.az-a Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib.
Bakıda və Abşeron yarımadasında: Bakı-ADA (avt.st) 43 mm, Bakıda 24 mm, Əhmədli, Maştağada 15 mm, Bayıl yamacı, Montində 12 mm, Qumyataq, Binədə 10 mm, Sumqayıt, Zabratda 9 mm, Pirallahı, Çilov adasında 5 mm, Ələtdə 3 mm; Böyük Qafqazda: Şinçay HMM-da 42, Şəkidə 34, Qalacıq (İsmayıllı), Kürmükçay-İlisuda (Qaxbaş) 32, Oğuzda 30 mm, Qaxmuğal MM, Sarıbaşda (Qax) 29, Kişçayda (Şəki) 27, Balakəndə 26, Qaxda 24.0, Zaqatala, Qəbələ, Xaltanda 18, Şamaxıda 14, Qubada 13, Altıağacda 12, Mərəzə, İsmayıllıda 9, Nabranda 7, Xaçmazda 5, Şirvanda 1mm olub.
Yağan leysan yağışlarla əlaqədar Balakənçay, Talaçay, Kürmükçay və Kişçayda sululuq artıb.
Kiçik Qafqazda: Göygöldə 2, Gədəbəy, Daşkəsəndə 1mm. Qazax-Gəncə zonasında: Tovuzda 12, Köçəsgərdə 9, Ağstafada 7, Düz Qışlaq, Dağ Kəsəməndə 5, Ağdamda 3, Ceyrançöl, Naftalan, Gəncə, Hacıkənd, Şəmkirdə 1.0-2.0 mm, Mərkəzi-Aran rayonlarında: Tərtər, Göyçayda 3, Ağsuda 2, Bərdə, Mingəçevir, Yevlax, Zərdab, Kürdəmir, Qazıməmməddə 1mm. Lənkəran-Astara zonasında: Lənkəranda 81, Göytəpədə 20, Astarada 16, Lerikdə 11, Rvarudda 7, Yardımlıda 6, Biləsuvarda 1 mm təşkil edir.
Qar örtuyünün hündürlüyü: Böyük Qafqazın dağlıq və dağətəyi rayonlarında: Xınalıqda 18 sm, Qonaqkənddə 11, Qırızda 7, Susay, Rük MM-da 6, Ləzədə 5, Nohurdüzündə 4, Xaltanda 3, Altıağacda 2, Sarıbaşda (Qax) 3 sm olub.
Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova Publika.az-a bilıdirib ki, hazırda müşahidə olunan yağıntı norma daxilindədir.
“Bu gün axşam saatlarına qədər yağışlı hava müşahidə ediləcək. Yağış gecədən başlayıb səhər saatlarından tədricən intensivləşib. Lakin onun normadan çox olub-olmadığını hesablamalardan sonra müəyyən edə biləcəyik”.
Gülxar
