Xalq artisti Faiq Ağayevlə əməkdar artist Tünzalə Ağayeva arasında qalmaqal yaşanıb.
Lent.az-ın məlumatına görə, xalq artisti “ATV maqazin onlarla” verilişində əməkdar artistin ünvanına bu sözləri deyib: “Bir insanın adını çəkmədən, söhbəti umumiləşdirmək istəyirəm. Ağac nə qədər çox bar verərsə, başı aşağı olar. Bəzi insanlar var ki, onlar üçün böyüklük kiçikliyini qorumaqdır. Onu bacarmırsa, hörmət qazanmayacaq. Mən onların münsifi olmuşam. İndi “mənəm-mənəm” deyir, o vaxt mənim "hə” deməyimi gözləyirdi. Mahnılarıyla, konsertləri ilə “mənəm-mənəm” desin, boş-boş havanı silkələyir. İnsanın özünü fərqli aparması mənə gülməli gəlir. Dünən dostluq etdiklərimi bu gün tanımıram. İnsanlara yuxarıdan aşağı baxmaq olmaz".