Avropa Liqasının qrup mərhələsinin 3-cü turunda klublarımızın keçirəcəyi oyunlara hakim təyinatları açıqlanıb.
Publika.az xəbər verir ki, "Sent-Etyen" (Fransa) - “Qəbələ” matçını Türkiyədən olan hakimlər briqadası idarə edəcək. Matçın baş hakimi Ali Palabıyık olacaq. Ona Cem Satman və Ekrəm Kan kömək edəcəklər. Oyunun ehtiyat hakimi isə Ceyhun Sesigüzel olacaq.
“Sent-Etyen” - “Qəbələ” matçı oktyabrın 20-də keçiriləcək.
"Qarabağ" - PAOK (Yunanıstan) matçı isə İsraildən olan hakimlər briqadasına tapşırılıb. Matçın baş hakimi Alon Yefet olacaq. Ona Roy Reynşreyber və Ziv Adler kömək edəcək. Oyunun ehtiyat hakimi Kiril Balikin olacaq.
"Qarabağ" – PAOK matçı da oktyabrın 20-də olacaq.
