Müğənni Elnarə Xəlilova “Uşaq dünyası” verilişinə qonaq olub.
Axşam.az-ın məlumatına görə, sənətçi övladlarından bəhs edib.
O bildirib ki, qızı Burla Xatun aparıcı olmaq istəyir:
“Qızımın 9 yaşı var, indidən qərarını verib. Daha çox humanitar fənlərə maraq göstərir. Bu yaxınlarda inşa yazırdı ki, mən də böyüyəndə anam və atam kimi aparıcılıq edəcəm, jurnalistika fakültəsinə daxil olacağam. Qızımın ağıllı jurnalist, aparıcı olmasını istəyərəm. Bir ana kimi onunla fəxr edərəm. Oğlum Tuğər ikinci sinfə gedir. O başqa sahəyə meyillidir. Övladlarımın müğənni olmasını istəmərəm. Amma hansısa seçsə, ona mane olmaram”.
Aparıcılığını Ayxan Əlizadənin etdiyi "Uşaq dünyası" həftənin bazar günü və çərşənbə axşamı saat 14:15-də İTV-də yayımlanır.
