Aktual mövzular: Dollar alış-satışı , Hava, Məzənnə, Neftin qiyməti

Otel otağında gizlənən Nalbandyan və Lavrovun Qarabağ istəyi

Otel otağında gizlənən Nalbandyan və Lavrovun Qarabağ istəyi

Nalbandyan TƏCİLİ Qarabağa gəldi (01 Mart 2017 19:17)
Nalbandyan təcili Azərbaycana GƏLDİ (01 Mart 2017 18:58)
Lavrov Nalbandyan vasitəsilə Azərbaycana cavab mesajı göndərib (23 Fevral 2017 11:27)

Tarix: 17 Oktyabr 2016 15:28

Rusiya xarici işlər naziri Sergey Lavrov İrəvanda Türkiyə-Ermənistan münasibətlərinin normallaşmasının Dağlıq Qarabağ münaqişəsinin həllindən keçdiyini bəyan etdi. Başqa sözlə, Lavrov işarə etdi ki, əgər Ermənistan əraziləri Azərbaycana qaytaracaqsa, o zaman Türkiyə Ermənistanla sərhədləri aça bilər.

Publika.az
xəbər verir ki, bu barədə Ermənistanın “lragir” saytı yazıb.

Sayt Türkiyə-Ermənistan protokollarının imzalanması üçün 2009-cu ildə Sürix görüşü haqda “Wikileaks”ın yaydığı sənədləri xatırladır.

“Wikileaks” həmin vaxt ABŞ dövlət katibi olan Hillari Klintonun məxfi yazışmalarını yaymışdı. Yazışmalarda Hillari Klinton qeyd edirdi ki, Sürixdə Ermənistan xarici işlər naziri Eduard Nalbandyan uzun müddət otel otağından çıxmayıb. O, protokolları imzalamaq istəmirmiş. Çünki bu protokolların Rusiya və Türkiyənin tələsi olduğunu düşünürmüş.

Sayt yazır ki, həmin vaxt Rusiya “Kazan planı”nı işə salmışdı.

Bu plan işğal olunmuş ərazilərin qaytarılmasını, daha sonra Qarabağın statusunun müəyyən olunmasını nəzərdə tuturdu.

“İndi Lavrov danışır ki, erməni-türk münasibətləri Qarabağ probleminin həllindən, yəni ərazilərin qaytarılmasından keçir. Ermənistan sərhədlərin açılmasını istəyirsə, o zaman Qarabağ münaqişəsinin nizama salınması üçün irəli sürülən Rusiya planı ilə razılaşmalıdır”, - deyə sayt qeyd edir.

Asif


Teqlər:  Otel otağında gizlənən Nalbandyan Lavrovun Qarabağ istəyi



RƏYLƏR


Top xəbərlər