Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Çay evində baş verən dəhşətli qətllə bağlı polis dindirildi

Çay evində baş verən dəhşətli qətllə bağlı polis dindirildi

Date: 17 October 2016 15:34

Bakıda müştərisi olduğu çay evinin sahibini güllələməkdə təqsirli bilinən Vüqar Şirinovun cinayət işi üzrə məhkəməsi başlayıb.

Lent.az-ın məlumata görə, Bakı Ağır Cinayətlər Məhkəməsində hakim Mayıl Bayramovun sədrliyi ilə keçirilən prosesdə şahid qismində Nəsimi rayon 19-cu polis bölməsinin əməkdaşı Əli Məmmədov ifafə verib. O bildirib ki, hadisədən sonra silahın aşkar edilməsində iştirak edi:

”Silahın tapılmağında və təhvil verilməsində iştirak etmişəm".

Təqsirləndirilən V.Şirinov cinayətkar olmadığını qeyd edib.

Proses oktyabrın 24-də davam edəcək.

Qeyd edək ki, qətl hadisəsi keçən il martın 6-da axşam saatlarında Nəsimi rayonun 4-cü mikrorayon ərazisində fəaliyyət göstərən “Odlar Yurdu” adlı çay evində baş verib. Çay evinin sahibi, Ağsu rayon sakini Murad Aqil oğlu Qubadov borc verdiyi şəxs tərəfindən güllələnib. Məlumata görə, çay evinin sahibi M.Qubadov bir müddət əvvəl tanışı, Ağsu rayon sakini Vüqar Şirinova borc pul verib. Bir müddət sonra M.Qubadov V.Şirinova bir neçə dəfə zəng edərək pulunu istəyib. Pulu qaytara bilməyən V.Şirinov isə ondan vaxt istəyib. Lakin həmin müddətdə də o, borcu qaytara bilməyib. Martın 6-da M.Qubadov yenidən V.Şirinova zəng vuraraq borcunu tələb edəndə, tərəflər arasında mübahisə yaranıb. V.Şirinov naməlum şəraitdə əldə etdiyi qundağı kəsilmiş ov tüfəngi ilə “Odlar Yurdu” çay evinə gələrək sahibkarın otağına daxil olub. V.Şirinov otaqda M.Qubadova 3 atəş açaraq onu qətlə yetirib və hadisə yerindən qaçıb. Polis əməkdaşları tərəfindən hadisədə istifadə edilmiş qundağı və lüləsi kəsilmiş “İJ-12” markalı ov tüfəngi ondan götürülüb. V.Şirinov hadisəni törədəndən sonra Ağsu rayonunda valideynlərinin yanına qaçıb. Onlarla sağollaşan V. Şirinov könüllü olaraq Ağsu rayon Polis İdarəsinə təslim olub. O, Nəsimi RPİ 19-cu PB-nin əməkdaşlarına təhvil verilib.


Tags:  Çay evində baş verən dəhşətli qətllə bağlı polis dindirildi


RƏYLƏR


Top news