Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

Cərrahiyyədə işıqla idarə edilən mikrorobotlardan istifadə ediləcək

Cərrahiyyədə işıqla idarə edilən mikrorobotlardan istifadə ediləcək

Date: 17 October 2016 16:35

Almaniya mütəxəssisləri işıq şüaları vasitəsilə idarə edilən canlı hüceyrə ölçüsündə kiçik robotlar yaradıblar. Bu, onlardan çətin əlçatan yerlərdə mikrocərrahiyyə aləti kimi istifadəyə imkan verəcək.

“ICTnews” Elektron Xəbər Xidməti “DNI24” resursuna istinadən yazır ki, Maks Plank adına institutun tədqiqatçılar qrupu miniatür robotların idarəetməsi və nəzarəti üçün ən effektiv üsulun kəşfinə kömək edəcək silsilə eksperimentlər keçiriblər. Adətən bu məqsədlər üçün maqnit sahəsi tətbiq edilir, lakin almaniyalı mütəxəssislər fototaksisdən istifadə etmək qərarına gəliblər. Bu fenomeni tez-tez təbiətdə həşəratlar işığa uçub gələndə və ya əksinə, ondan uzaq qaçanda görmək mümkündür.

Mikrorobotlar üzərində nəzarət prinsipini işıqlandırmanın dəyişməsinə olan reaksiya təşkil edir. İdarəedici element qismində bir hissəsi qara rənglə rənglənmiş kürə çıxış edir. Rənglər kontrastı səthi bitişmələrin müxtəlifliyinə səbəb olur ki, bu da mikrorobotları hərəkətə gətirir. Hazırda alimlər işığın köməyi ilə kiçik robotu yalnız 1/10 millimetr məsafəyə hərəkətə gətirə bilsələr də, bu da ümidverici görünür. Optimist olan mütəxəssislər qeyd edirlər ki, bu, yalnız başlanğıcdır.

Nizam Nuriyev 



Tags:  Cərrahiyyədə işıqla idarə edilən mikrorobotlardan istifadə ediləcək


RƏYLƏR


Top news