Türkiyədə maraqlı futbol hadisəsi baş verib.
Goal.az türk mətbuatına istinadən xəbər verir ki, azarkeşsiz oyuna 21 mindən çox bilet satılıb.
TFF birinci liqa klubu "Eskişehirspor" cəzalı olduğu üçün son 4 ev oyununu boş tribunalar önündə keçirib. Azarkeşlər "Giresunspor"la dünən keçirilən qarşılaşmadan əvvəl rəhbərlikdən bilet satışa çıxarmağı xahiş ediblər. Əskişəhər klubu 26 min bilet satışa çıxarıb. Azarkeşlər də kluba maddi yardım məqsədilə bu kampaniyada fəal iştirak ediblər və artıq 21 min 300 bilet satılıb. "Eskişehirspor"un qələbəsi ilə (1:0) nəticələnən oyun geridə qalmasına baxmayaraq, kassalarda 4700 bilet qalıb ki, onun da satışı davam etdirilir.
Milli.Az
