Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycan hərbçiləri NATO-nun tədbirində iştirak edir

Azərbaycan hərbçiləri NATO-nun tədbirində iştirak edir

Date: 17 October 2016 18:02

Bakı. 17 oktyabr. REPORT.AZ/ Azərbaycan Silahlı Qüvvələrinin nümayəndələri beynəlxalq tədbirlərdə iştirak edirlər.
Bu barədə “Report”a Müdafiə Nazirliyinin mətbuat xidmətindən məlumat verilib. 
Nazirlikdən bildirilib ki, oktyabrın 17-dən 20-dək İtaliyanın Brindizi şəhərində Amfibiya Qüvvələri üzrə ekspert görüşü, oktyabrın 17-dən 21-dək bu ölkənin Latina şəhərində maddi-texniki təminat sahəsində məruzələr üzrə təməl kursu keçirilir. 
Bundan başqa, oktyabrın 17-də Makedoniyanın Skopye şəhərində NATO tərəfdaşlarının arxa cəbhə ekspertlərinin daimi qrupunun görüşü başlayıb. Görüş ayın 21-dək davam edəcək. 
Eyni zamanda, oktyabrın 17-dən 23-dək Slovakiyanın Zemyanske Kostolani şəhərində "İlkin kütləvi qırğın silahları ilə mübarizə" kursu, oktyabrın 17-dən 27-dək Litvanın Kaunas şəhərində qərargah tibb zabitləri üçün təməl kursu, oktyabrın 17-dən 28-dək Çexiyanın Vişkov şəhərində sülhü dəstəkləmə əməliyyatlarının planlaşdırılması və qiymətləndirilməsi üzrə təlim kursu keçirilir.

Tags:  Azərbaycan hərbçiləri NATO-nun tədbirində iştirak edir


RƏYLƏR


Top news