Aktual mövzular: Dollar alış-satışı , Hava haqqında, Məzənnə, Neftin qiyməti

Bu il Azərbaycanda 1,9 mlrd. manatlıq neft məhsulları istehsal olunub

Bu il Azərbaycanda 1,9 mlrd. manatlıq neft məhsulları istehsal olunub

Date: 17 October 2016 18:42

Bakı. 17 oktyabr. REPORT.AZ/ Bu ilin yanvar-sentyabr ayları ərzində Azərbaycanda 1 957,1 mln. manat dəyərində neft məhsulları istehsal olunub.
“Report” Dövlət Statistika Komitəsinə istinadən xəbər verir ki, bu isə əvvəlki ilin yanvar-sentyabr ayları ilə müqayisədə 9,3% azdır.
Hesabat dövründə 7,7 min ton sürtkü yağları, 1 720,9 min ton dizel yanacağı, 280 min ton neft koksu, 831,8 min ton avtomobil benzini, 473,8 min ton ağ neft, 435,3 min ton yanacaq mazutu və 138,5 min ton neft bitumu, 131,5 min ton neft-kimya sənayesində istifadə üçün benzin istehsal olunub.
Neft məhsullarından sürtkü yağlarının istehsalı 57,7%, dizel yanacağının istehsalı 19,1%, neft koksunun istehsalı 5,9%, avtomobil benzininin istehsalı 8,3%, ağ neftin istehsalı 7,5%, neft-kimya sənayesində istifadə üçün benzin istehsalı 7,5% azalıb, yanacaq mazutunun istehsalı 65%, neft bitumunun istehsalı isə 11% artıb.

Tags:  il Azərbaycanda mlrd manatlıq neft məhsulları istehsal olunub

RƏYLƏR


Top news