Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Ağdamda silsilə oğurluqlar edən dəstə üzvləri tutulub

Ağdamda silsilə oğurluqlar edən dəstə üzvləri tutulub

Date: 17 October 2016 18:47

Ağdam. 17 oktyabr. REPORT.AZ/ Ağdam rayonunda mağazalardan silsilə oğurluqlar edən dəstə zərərsizləşdirilib. "Report"un Qarabağ bürosunun verdiyi məlumata görə, rayon sakini Azər Babayev Ağdam rayon Polis Şöbəsinə (RPŞ) ərizə ilə müraciət edərək ona məxsus mağazanın qapısının naməlumşəxs və ya şəxslər tərəfində sındırldığı və oradan 2 000 manat tütün məmulatlarının, ərzaq və qeyri ərzaq məhsullarının oğurlanması barədə məlumat verib.
Ağdam RPŞ-nın əməkdaşları şikayət əsasında əməliyyat axtarış tədbirlərinə başlayıb. Keçirilən əməliyyat-axtarış tədbirləri nəticəsində rayon sakinləri Namiq Nəsirov və Elnur Quliyev şübhəli şəxs qismində saxlanılaraq istintaqa təhvil verilib. Aparılan araşdırmalar zamanı məlum olub ki, oğurluqla məşqul olan dəstə üzvləri əvvəllər də rayon ərazisində, müxtəlif vaxtlarda mağazalardan oğurluqlar ediblər. 

Dəstə üzvlərinin daha bir oğurluq faktının üstü istintaqın gedişi zamanı aşkarlanıb. Belə ki, oğurluqla məşqul olan qrup rayonun Xındırıstan kənd sakini Yasin Məhərrəm oğlu Babayevə məxsus mağazadan 100 blok müxtəlif çeşidli siqaret, 1 500 manat dəyərində ərzaq və qeyri ərzaq məhsulları oğurlayıblar.
Faktla bağlı cinayət işi açılıb, araşdırmalar davam etdirilir. 
              





Tags:  Ağdamda silsilə oğurluqlar edən dəstə üzvləri tutulub

RƏYLƏR


Top news