"Barselona" daha bir aparıcı futbolçusu ilə müqaviləni yeniləyib.
Qol.az-ın İspaniya mətbuatına istinadən yaydığı xəbərə görə, bu gün argentinalı müdafiəçi Xavyer Maskerano ilə 3 illik müqavilə imzalanıb.
Qeyd edək ki, 32 yaşlı futbolçu 2010-cu ildə "Liverpul"dan transfer olunub. O, bu müddət ərzində Kataloniya klubu ilə 4 dəfə İspaniya çempionluğu, 3 dəfə ölkə kuboku, 2 dəfə Superkubok, 2 dəfə isə Çempionlar Liqasını qazanıb.
Braziliyalı hücumçu Neymar isə Kataloniya klubu ilə oktyabrın 21-də müqavilə imzalayacaq. Onun yeni müqaviləsi 2021-ci ilə qədər olacaq.
Milli.Az