Son sutka ərzində Azərbaycanda baş vermiş yol qəzalarında 3 nəfər həyatını itirib. Lent.az-ın məlumatına görə, dünən səhərdən bu gün səhərədək ölkədə ümumilikdə 15 yol qəzası baş verib. Nəticədə vəfat edən şəxslərdən başqa daha 15 nəfər də yaralanıb.
Ölümlə nəticələnən qəzalar Şəki, Quba və Xaçmaz rayonlarında baş verib. Şəkidə və Qubada piyadalar, Xaçmazda isə aşan avtomobilin sürücüsü vəfat edib.
