Aktual mövzular: Dollar alış-satışı , Hava haqqında, Məzənnə, Neftin qiyməti

“MulteFire” texnologiyası “Wi-Fi” və “LTE” tezlik spektrlərini birləşdirəcək

“MulteFire” texnologiyası “Wi-Fi” və “LTE” tezlik spektrlərini birləşdirəcək

Date: 18 October 2016 11:35

“Qualcomm” şirkəti dünyada ilk dəfə şəbəkədə bütün efiri skan edərək optimal tezliyi seçən “LBT” xüsusi rejimini dəstəkləyən “MulteFire” simsiz texnologiyasının sınağını keçirib. Bu tip simsiz birləşmə daha çox güc və əhatə zonasının təmini üçün 5 QHs tezliyində “Wi-Fi”-dan birgə istifadə zamanı lisenziyalaşdırılmayan spektrdə “LTE” şəbəkəsinə əsaslanır. Qeyd etmək lazımdır ki, texnologiya adi “LTE”-dən yaxşı nəticələr nümayiş etdirə bilir. “MulteFire” azalan birləşmədə “3GPP Licensed Assisted Access” (LAA Release 13), artan birləşmədə “Enhanced Licensed Assisted Access” (eLAA Release 14) standartlarına əsaslanır.

“ICTnews” Elektron Xəbər Xidməti “4PDA” resursuna istinadən yazır ki, “Qualcomm” şirkətinin icraçı vitse-prezidenti və texnologiyalar üzrə direktor Matt Qrobun sözlərinə görə, sınaqlar "MulteFire” texnologiyasının inkişafı və kommersiyalaşdırılması istiqamətində atılan mühüm addımdır. Bu, həmçinin “5G” çərçivəsində spektrdən birgə istifadə texnologiyasının irəliləməsində vacib mərhələdir, çünki "5G New Radio” (5G NR) texnologiyasının məqsədi lisenziyalaşdırılan, lisenziyalaşdırılmayan və ümumi spektr tezliyindən birgə istifadədir.
 
"MulteFire” texnologiyası ilə birgə spektrin yaxşılaşmasını "Wi-Fi” istifadəçiləri də hiss edəcək. “Qualcomm” bunu əvvəllər “LAA” texnologiyası üçün sınaqdan keçirib. Maraqlıdır ki, “MulteFire” texnologiyasının lisenziyalaşdırılmış spektrdən asılı olmaması səbəbindən ondan “IoT” şəbəkəsinə qoşulan istənilən operator və ya müəssisə yararlana biləcək.

Şirkət, həmçinin “MulteFire” üçün qlobal texniki spesifikasiyaların hazırlanması və məhsulun sertifikatlaşdırılması ilə məşğul olacaq “MulteFire Alliance” Alyansı yaradıb.

Nizam Nuriyev



Tags:  MulteFire texnologiyası Wi-Fi LTE tezlik spektrlərini birləşdirəcək


RƏYLƏR


Top news