“Bu addım qiymət artımına səbəb olmayacaq” - DGK sədri

“Bu addım qiymət artımına səbəb olmayacaq” - DGK sədri
12:09 18 Oktyabr 2016
47 Digər
Ölkə mətbuatı
A- A+

Bəzi məhsullar üzrə gömrük rüsumlarının artırılmasında məqsəd daxili bazarın qorunmasıdır.

 

“APA-Economics” xəbər verir ki, bunu Dövlət Gömrük Komitəsinin sədri Aydın Əliyev deyib.

 

“Mal çeşidləri ilə tanış olsaq, biz görərik ki, burada ən çox meyvə, tərəvəz və şirələr üçün gömrük rüsumları artırılıb. Bəzən KİV nümayəndələri deyirlər ki, alkoqollu içkilərin də gömrük rüsumları artırılıb. Amma belə deyil, orada söhbət alkoqolsuz içkilərdən gedir”, - deyə A.Əliyev qeyd edib.

 

Komitə sədrinin sözlərinə görə, gömrük rüsumlarının artırılması ilə bağlı təklif bir neçə təşkilatdan daxil olub.

 

“Burada əsas məqsəd daxili bazarın qorunmasıdır. Bu barədə əvvəllər də demişdim. Səmimi desək, bu gün Azərbaycanda toyuq məhsulları və yumurta idxalatda rəqəm olaraq böyük bir yer tutmur. Sadəcə olaraq daxili bazarın qorunması ilə bağlı bu, bizə lazım idi. Keçən il Rusiya Gömrük Xidməti ilə yaşıl koridorun tətbiqini nəzərdə tutan sənəd imzalamışıq. Biz həm ərzaq təhlükəsizliyini yerinə yetirməliyik, həm də ölkə üçün ixracyönümlü məhsulların istehsalına şərait yaratmalıyıq. Azərbaycanın kənd təsərrüfatı məhsulları nəinki Rusiyada, o cümlədən MDB məkanında yaxşı tanınır. Biz də şərait yaratmalıyıq ki, ixracı daha da inkişaf etsin. Bu addım qiymət artımına səbəb olmayacaq. Məqsəd daxili istehsalın qorunması və daha da inkişaf etdirilməsinə nail olmaqdır”, - deyə komitə sədri bildirib.


Xəbərin orijinal ünvanı: http://news.lent.az/news/256887

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR