Oktyabrın 19-da Müslüm Maqomayev adına Azərbaycan Dövlət Filarmoniyasının direktoru, xalq artisti Murad Adıgözəlzadə Rusiya Federasiyasının Vladimir Vilayəti Klassik Musiqi Mərkəzində V.Motsartın əsərlərindən ibarət konsert proqramı ilə çıxış edəcək.
Milli.Az AZƏRTAC-a istinadən xəbər verir ki, Murad Adıgözəlzadə Rusiya Federasiyası Vladimir Vilayəti Qubernator Simfonik Orkestri və Mixail Lidski (fortepiano) ilə birgə çıxış edəcək.
Oktyabrın 20-də isə müvafiq konsert P.Çaykovski adına Moskva Dövlət Konservatoriyasının S.Raxmaninov zalında davam edəcək. Bu barədə məlumat Moskva Dövlət Konservatoriyasının saytında da yer alıb.
Hər iki konsertə Artyom Martin dirijorluq edəcək.
Milli.Az