Bakı. 18 oktyabr. REPORT.AZ/ Böyük Britaniyada parlamentin iclaslarının keçirildiyi Vestminster sarayı ərazisində qadını zorlamaqda şübhəli bilinən şəxs həbs edilib.
"Report" "The Guardian"a istinadən xəbər verir ki, bu barədə London polisi məlumat verib.
Polisin məlumatına görə, hadisə oktyabrın 14-də səhər baş verib. "İnsidentlə bağlı şübhəli bilinərək elə həmin gün saxlanılan 23 yaşlı şəxs deputat deyil. O, istintaq davam edərkən gələn il yanvarın ortalarına qədər həbsdə qalacaq", - Skotlend Yarddan bildiriblər.
Müstəntiqlər zərər çəkmişin və şübhəli şəxsin adlarını açıqlamayıb. Lakin Britaniya mediası parlamentin üzvü Kreyq Makkinleyin köməkçisinin saxlanıldığını yazıb.
