Aktual mövzular: Dollar alış-satışı , Hava haqqında, Məzənnə, Neftin qiyməti

Xətaidə yanan binan ilə bağlı məhkəmə keçirilib

Xətaidə yanan binan ilə bağlı məhkəmə keçirilib

Date: 18 October 2016 12:54

 

Bu gün Xətai rayonu ərazisində çoxmərtəbəli yaşayış binasında baş vermiş yanğında təqsirləndirilən Fərid Sadıqov və Zaur Əşrəfovun cinayət işi üzrə məhkəmə prosesi davam edib.

 

Lent.az-ın məlumatına görə, Bakı Ağır Cinayətlər Məhkəməsində  hakim Eldar İsmayılovun sədrlik etdiyi prosesdə zərərçəkmiş şəxs qismində Xuraman Hüseynova ifadə verib. O, ifadəsində  həmin vaxt binada kirayə yaşadığını deyib:  "Ev  yananda mənə də ziyan dəyib. Bütün əşyalar yandı. 4 min manat  kompensasiya almışam".

 

 

Prosesdə şahid qismində Akif Musayev ifadə verib. O, tikintinin olduğu ərazidə sahə rəisi olub: "Ümumilikdə 155 binaya nəzarət edirdim.  Yalnız yanan bina əslində mənə aid olmayıb. Sadəcə işdən tapşırıq əsasında həmin binadakı işlərədə baxmışam".

 

 

 

Daha sonra məhkəmədə  "TNH" şirkətinin mühasibi Könül Abbasova ifadə verob. O da ifadəsində bildirib ki,  rəhbərlik tərəfindən verilən tapşırıqları icra edib.

 

 

Məhkəmə oktyabrın 25-ə təyin edilib.

 

Qeyd edək ki, yanğın hadisəsi ötən il aprelin 10-da Bakının Xətai rayonu, Zığ yolu,16 ünvanda baş verib. Həmin ünvanda “TNH” şirkəti tərəfindən doqquzmərtəbəli yaşayış binasının fasadının poliuretan materialla üzlənməsi ağır nəticələrə səbəb olan yanğınla nəticələnib.

Bu hadisədən sonra Fərid Sadıqov, Zaur Əşrəfov və Nüsrət Muxtarov həbs olunublar.

Nüsrət Muxtarov iyulun 13-də saxlanıldığı Bakı İstintaq Təcridxanasında vəfat edib. Nüsrət Muxtarovun cinayət işi üzrə hüquqi varis oğlu müəyyən edilib. Hüquqi varis Nüsrət Muxtarov tərəfindən ödənilməli olan dəymiş ziyanı qarşılayacaq.


Tags:  Xətaidə yanan binan bağlı məhkəmə keçirilib


RƏYLƏR


Top news