Aktual mövzular: Dollar alış-satışı , Hava haqqında, Məzənnə, Neftin qiyməti

Vəkil İlhamə Quliyeva ilə köməkçisinin mübahisəsindən danışdı

Vəkil İlhamə Quliyeva ilə köməkçisinin mübahisəsindən danışdı

Date: 18 October 2016 12:57

Bu gün Bakı Ağır Cinayətlər Məhkəməsində mərhum xalq artisti İlhamə Quliyevanın sabiq köməkçisi Mehriban Hüseynovanın cinayət işi üzrə məhkəmə prosesi davam etdirilib.

Milli.Az Trend-ə istinadən bildirir ki, hakim Səbuhi Hüseynovun sədrliyi ilə keçirilən prosesdə vəsatət qaldıran M.Hüseynovanın vəkili Vasif Nirzəyev bildirib ki, bir neçə şahidin prosesdə dindirilməsi vacibdir. O, Lamiyə, Xatirə adlı xanımlar, Bakı Baş Polis İdarəsinin əməkdaşı Hikmət Qasımov və digər şəxslərin dindirilməsini istəyib. Vəkil bildirib ki, Lamiyə və Xatirə M.Hüseynova ilə İlhamə Quliyevanın mübahisəsinin şahidi olublar.

Hakim hüquq-mühafizə orqanları ilə bağlı adı keçən şahidlərin ad-soyadlarının dəqiq olmadığını əsas gətirərək vəsatəti təmin etməyib. Proses oktyabrın 25-də davam etdiriləcək.

Xatırladaq ki, Mehriban Hüseynova 2015-ci il oktyabr ayının 21-də həbs edilib. Onun barəsində Cinayət Məcəlləsinin 29,180.3.2-ci (soyğunçuluğa cəhd) maddəsi ilə cinayət işi başlanıb. İlhamə Quliyeva 2016-cı il fevral ayının 25-də səhər saatlarında 73 yaşında dünyasını dəyişib.

Milli.Az


Tags:  Vəkil İlhamə Quliyeva köməkçisinin mübahisəsindən danışdı

RƏYLƏR


Top news