Oktyabrın 28-də Moskvanın A.Çaykovski adına konsert zalında MDB ölkələri sənətçilərinin iştirakı ilə "SSRİ-də doğulmuşlar" adlı konsert keçiriləcəkdir.
Milli.Az xəbər verir ki, konsertdə digər müstəqil dövlətlər birliyi ölkələrinin mədəniyyət xadimləri ilə yanaşı, azərbaycanlı vokalçı, Azərbaycan Dövlət Akademik Opera və Balet Teatrının aparıcı solisti, xalq artisti, prezident mükafatçısı Samir Cəfərov da iştirak edəcəkdir. S.Cəfərov tədbirdə Azərbaycanın dahi bəstəkarı Ü.Hacəbəylinin yaradıcılığına məxsus əsərlər ifa edəcəkdir.
Milli.Az
