Türkiyə prezidenti Rəcəb Tayyib Ərdoğan Mosul əməliyyatı ilə əlaqədar şiə milislərə meydan oxuyub.
Publika.az Türkiyə mediasına istinadən xəbər verir ki, prezident Mosulda 2 milyon sünninin olduğunu deyib.
“Haşdi Şabi” (şiə milisləri -red.) 30 min nəfərlə gələcək” deyirlər. Gələcəyi varsa, görəcəyi də var. Mosulda 2 milyon sünni var. Biz onları Başikada öyrətdik. “Misak-ı Milli”ni anlasaq, Suriya və İraqdakı məsuliyyətimizi də anlayarıq. Əgər bu gün “Mosul üzərində məsuliyyətimiz var, həm masada, həm də əməliyyatlarda olacağıq” deyiriksə, bunun bir səbəbi var. İŞİD Dabıkdan sonra Əl-Baba gedir. Oraya da gedəcəyik. Hava dəyişdi. İndi biz amerikalı dostlarımıza deyirik: “Bizi bu oyuna gətirə bilməzsiniz”, - Ərdoğan bildirib.
Türkiyənin Suriya və İraq torpaqlarında gözü olmadığını deyən prezident 780 min kvadrat kilometr ərazinin onlara kifayət etdiyini qeyd edib. Məzhəb qarşıdurmalarda tərəf olmaq istəmədiyini deyən Ərdoğan həmçinin bildirib ki, ərəb və türkman qardaşlarını bəzilərinə yem etmək istəmirlər.
Ömər Dağlı
