Aktual mövzular: Dollar alış-satışı , Hava haqqında, Məzənnə, Neftin qiyməti

""Qarabağ"dan 6 xal alınmalıdır"

""Qarabağ"dan 6 xal alınmalıdır"

Date: 18 October 2016 15:22

"Qarabağ"ın Avropa Liqasının qrup mərhələsindəki rəqibi PAOK-un Yunanıstan çempionatındakı son matçı klubun sahibi İvan Savvidisin ürəyincə olmayıb.

Milli.Az apasport.az-a istinadən xəbər verir ki, Savvidis bunu futbolçularla görüşdə deyib.

O, Super Liqanın VII turunda "İraklis"lə matça toxunaraq, nəticədən narazılıq bildirib. Savvidis, xüsusən də, hücum xəttinin "dişsiz"liyindən gileylənib: "İraklis"lə oyunun fasiləsində hesab 4:0 olmalı idi. Amma biz cəmi 1:0 hesablı qələbə qazandıq. Saysız-hesabsız qol imkanlarından yararlana bilmədik. Bu problemi yoluna qoymaq lazımdır. Baş məşqçi bunun təhlilini aparıb, komandadakı çatışmazlığı aradan qaldırmalıdı".
 
PAOK-un sahibi futbolçulara qarşıdakı oyunlarla bağlı tapşırıq da verib. Belə ki, o, Yunanıstan çempionatında "Olimpiakos" və AEK-lə görüşlərdə uğurlu nəticə, "Qarabağ"la iki oyunda isə 6 xal toplamağı komandanın qarşısına hədəf qoyub.
 
Qeyd edək ki, Avropa Liqasının III turu çərçivəsində oktyabrın 20-də "Qarabağ"ın qonağı olacaq PAOK noyabrın 3-də Ağdam təmsilçisini qəbul edəcək.

Milli.Az


Tags:  Qarabağdan xal alınmalıdır

RƏYLƏR


Top news