Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

BDU-da Müstəqillik günü qeyd edildi

BDU-da Müstəqillik günü qeyd edildi

Date: 18 October 2016 15:53

Bu gün Bakı Dövlət Universitetində Azərbaycan Respublikası dövlət müstəqilliyinin bərpasının 25-ci ildönümü münasibətilə tədbir keçirilib.

BDU-nun Mətbuat və informasiya şöbəsindən Publika.az-a verilən məlumata görə, universitetin professor-müəllim heyəti və tələbələrinin iştirak etdiyi tədbiri giriş sözü ilə açan rektor Abel Məhərrəmov XX əsrin Azərbaycan xalqının həyatında çox böyük mübarizələr əsri olduğunu deyib. Rektor bildirib ki, ötən əsrdə müstəqil dövlətimizin qurulduğunu, 1991-ci ilin 18 oktyabrında yenidən əldə etdiyimiz müstəqilliyin bu mübarizələrin məntiqi nəticəsi kimi tarixə düşüb.

Rektor ümummilli lider Heydər Əliyevin Azərbaycan xalqının tarixinə müstəqilliyin memarı və qurucusu kimi daxil olduğunu, ulu öndərin zəngin siyasi təcrübəsi, yüksək idarəçilik bacarığı, doğma vətənə olan qayğısı nəticəsində müstəqillik tarixinin əbədiləşdiyini qeyd edib.

Prezident İlham Əliyevin dövlət müstəqilliyinin bərpasının 25-ci ildönümü münasibətilə keçirilən tədbirdə səsləndirdiyi fikirlərə toxunan rektor, öz növbəsində, bu illər ərzində ölkəmizin bütün istiqamətlər üzrə çox böyük uğurlara imza atmasından, Azərbaycanın dünyanın aparıcı ölkələrindən birinə çevrilməsindən də bəhs edib.

Azərbaycan Respublikasının Dini Qurumlarla iş üzrə Dövlət Komitəsinin sədri, Yeni Azərbaycan Partiyası İcra katibinin müavini Mübariz Qurbanlı isə bildirib ki, ulu öndər Heydər Əliyev müstəqil Azərbaycanın təməl prinsiplərini formalaşdırıb, Azərbaycan xalqı və dövləti üçün misilsiz xidmətlər göstərib. Bu gün prezident İlham Əliyevin yorulmaz, çoxşaxəli və zəngin fəaliyyəti Azərbaycanı sürətli inkişaf yoluna çıxarıb və şübhə yoxdur ki, yaxın illərdə ölkəmiz dünyanın ən güclü dövlətlərindən birinə çevriləcəkdir.





Tags:  BDU-da Müstəqillik günü qeyd edildi

RƏYLƏR


Top news