Avropa Liqasının qrup mərhələsi çərçivəsində oktyabrın 20-də "Sent-Etyen"lə qarşılaşacaq "Qəbələ" bu gün ölkəni tərk edəcək.
Milli.Az goal.az-a istinadən xəbər verir ki, "Qəbələ"də oyunöncəsi heyətlə bağlı problemlər var. Teo Uiks cəzasını başa vuraraq, sıraya döndüyü halda, 4 futbolçu bu görüşdə bölgə təmsilçisinə kömək edə bilməyəcək.
"İnter"lə çempionat görüşündə zədələnən Rəşad Sadiqov və Baqali Dabonun fransızlarla oyunu buraxacağı dəqiqdir və hər iki futbolçu Fransa səfərinə aparılmayacaq. Elvin Camalov və Nika Kvekveskirinin də eyni səbəbdən "Sent-Etyen"ə qarşı oynamayacağı dəqiqdir.
"Saint-Etienne" - "Qəbələ" matçı Bakı vaxtı ilə 23:05-də start götürəcək.
Milli.Az