Ötən gün Bakı küçələrinə yağan yağışdan sonra avtomobillərdə ciddi problemlər yaranıb. Elə bunun nəticəsidir ki, avtomobil təmiri sexlərinə kifayət qədər problemli avtomobillər gətirilib. Əsas problem isə mühərriklə bağlıdır.
Sürücülər deyir ki, yağış suyunun səviyyəsi hətta avtomobilin ön şüşəsinə qədər çatıb. Məhz buna görə də, saatlarla gölməçənin içində qalan avtomobillərin bir çox detalları da sıradan çıxıb.
Usta deyir ki, işlədiyi təmir sexinə sırf yağışın yaratdığı problemlərə görə 100-lərlə avtomobil gətirilib. Hətta bəzi avtomobillərin təmiri belə qeyri-mümkündür.
Milli.Az