Aktual mövzular: Dollar alış-satışı , Hava haqqında, Məzənnə, Neftin qiyməti

Pulun məstliyi insanı necə yıxır?

Pulun məstliyi insanı necə yıxır?

Date: 18 October 2016 23:42

Bəzən biz başqaları ilə söhbət edən zaman deyirik ki, mən filan qədər pul qazanıram və ya filan qədər pulum vardır. Həmin "vardır" sözünü demək insana yersiz və ziyanlı məstlik gətirər. Ona görə də İmam Əli (ə) buyurur ki, nemətlərin məstliyindən qorxun ki, İlahi nemətlər sizi məst etməsin. Çox az insan vardır ki, nemət onu məst etməz.

Milli.Az deyerler.org-a istinadən bildirir ki, pul, insana qüdrət qazandırmaq, hacətlərini yerinə yetirməkdə ona yardım edən vasitə olmasına baxmayaraq, əxlaq müəllimləri tərəfindən həmişə məzəmmət olnumuşdur. Əslində pulun özü məzəmmət olunmur, bu pulu yığıb, xəzinə halına salanlar məzəmmət olunur.
İmam Əli (ə) buyurur: "Ey sarı (dinar) və ağ (dirhəm), məndən qeyrisini aldadın".
Çünki o zaman ki, insan pula sahib olar, pulun qüdrət gətirəcəyinə görə yanlış etiqadlara qapanar. Bu təfəkkür onu həlak edər. Ona görə də İmam Əli (ə) tövsiyə edir: "Rifah və nemətə qərq olmağın məstliyindən çəkinin və İlahi cəzanın aqibətlərindən qorxun".
İmamın (ə) nəzərinə görə, təkcə şərab insanı məst etməz, insanı məst edə bilən başqa şeylər də vardır. Şərab insanın cismini məst edər, ancaq elə şeylər vardır ki, onlar birbaşa ruha təsir qoyur. Ruh bu şeylərin təsirindən özündən gedir və məst olur. Sanki insanın ağlını başından çıxardır. (Tebyan)
Bu məstliyə səbəb olan amillərdən biri budur ki, insan ona verilən nemətlərin ona layiq olduğu üçün verildiyinə inansın. Yəni, insan görür ki, bu qədər nemətə malikdir və özünü bu nemətə layiqli hesab edir. O kəs ki, özünü dünya nemətlərinə layiqli hesab edər, belə zənn edər ki, axirət nemətlərinə də layiqlidir. Necə ki, Qureyşin başçıları deyirdilər: "Ey müsəlmanlar! Biz bilmirik ki, o biri dünya var, yoxsa yoxdur. Ancaq buna yəqimiz vardır ki, əgər başqa bir dünya vardırsa, bizim vəziyyətimiz orada da sizdən yaxşı olacaqdır. Çünki bu dünya onu özü göstərir".
Ona görə də İmam Əli (ə) tövsiyə edir ki, ey insan! Əlində olan İlahi nemətlərə görə qürurlanma, elə bilmə ki, bu nemətlərə layiqsən. Həmin nemətlər - Allahın sənə lütfüdür. Nemətin məstliyi səni aldatmasın. Əgər başqaları kimi sən də bu nemətlərə görə məst olsan, şübhəsiz ki, yolunu azacaqsan. Çünki nemətə məst olmaq insanın ağlını başından alar və aqil düşüncəsinə mane olar. İnsanı Allahdan çox, şeytana (lən) yaxınlaşdırar.
 

Milli.Az


Tags:  Pulun məstliyi insanı yıxır

RƏYLƏR


Top news