Aktual mövzular: Dollar alış-satışı , Hava haqqında, Məzənnə, Neftin qiyməti

Həyat yoldaşını öldürməkdə təqsirləndirilən şəxsin apelyasiya şikayəti təmin edilməyib

Həyat yoldaşını öldürməkdə təqsirləndirilən şəxsin apelyasiya şikayəti təmin edilməyib

Date: 19 October 2016 08:32

Bakı Apelyasiya Məhkəməsində həyat yoldaşını öldürməkdə təqsirləndirilən Tahir Niyaz oğlu Mürsəlovun apelyasiya şikayəti üzrə məhkəmə başa çatıb.

Milli.Az APA-ya istinadən xəbər verir ki, məhkəmə şikayəti təmin etməyib.

Qeyd edək ki, Bakı Ağır Cinayətlər Məhkəməsinin hökmü ilə T.Mürsəlov 12 il 6 ay müddətinə azadlıqdan məhrum edilib. O, apelyasiya şikayəti verərək cəzasının azaldılmasını istəyib.
 
Qeyd edək ki, qətl hadisəsi Bakı şəhərinin Sabunçu rayonunun Məhəmmədi qəsəbəsindəki "Yeni yaşayış massivində" baş verib. 1983-cü il təvəllüdlü T.Mürsəlovla həyat yoldaşı, 1991-ci il təvəllüdlü Nigar Təslim qızı Mürsəlova arasında qısqanclıq zəminində mübahisə yaranıb. Mübahisə zamanı ər bıçaqla həyat yoldaşına çoxsaylı zərbələr endirib. Yaralı N.Mürsəlovanı qonşusu avtomobili ilə xəstəxanaya apararkən o, yolda dünyasını dəyişib. T.Mürsəlov Sabunçu Rayon Polis İdarəsinin 15-ci Polis Bölməsinin əməkdaşları tərəfindən saxlanıb.

Milli.Az


Tags:  Həyat yoldaşını öldürməkdə təqsirləndirilən şəxsin apelyasiya şikayəti təmin edilməyib

RƏYLƏR


Top news