Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Yaponiyada müstəqillik günü qeyd edildi FOTO

Yaponiyada müstəqillik günü qeyd edildi FOTO

Date: 19 October 2016 08:53

Diaspor rəhbəri Yaponiya sahibkarlarına müstqillik tariximizdən danışıb

Yaponiyada təşkil edilmiş ziyafətdə Azərbaycanın dövlət müstəqilliyinin bərpasının 25 illiyi müzakirə edilib

18 Oktyabrda Yaponiyanın paytaxtı Tokio şəhərinin əsas mərkəzlərindən biri olan Ropponqidə yaponiyalı kiçik və orta sahibkarların iştirakı ilə ziyafət təşkil edilib. Ziyafətdə Azərbaycanda dəfələrlə səfərdə olmuş, son 3 ildə 400 nəfərə yaxın yaponiyalı biznesmeni Azərbaycana aparmış, Yaponiyada Azərbaycanın təbliğatı işinə böyük töhfələr vermiş Kazuyasu İşida və digər sahibkarlar Azərbaycanın qədim tarixi, zəngin mədəniyyəti, stabil siyasi həyatı, biznes mühiti ilə bağlı fikir mübadiləsi aparmışlar.

Ziyafətə dəvət olunanlar arasında Dünya Azərbaycanlıları Assambleyasının Yaponiya nümayəndəliyinin rəhbəri Əlibəy Məmmədov da olmuşdur.

Azərbaycanın dövlət müstəqilliyinin bərpasının 25 illiyi haqqında qonaqlara məlumat verən Ə. Məmmədov bildirmişdir ki, Azərbaycan 1991-ci ilin Oktyabrın 18-də müstəqilliyini bərpa etsə də, ilk illər heç də arzuolunan hadisələrlə yadda qalmamışdır. Bu dövrdə Ermənistanın Azərbaycana qarşı işğalçı siyasəti, Dağlıq Qarabağ və ətraf rayonlarda separatçı qüvvələrin özbaşınalıqları, dünyanın əsas güc mərkəzləri olan böyük dövlətlərin ermənipərəst mövqe sərgiləməsi və digər xoşagəlməz hadisələr bir-birini əvəz edirdi. Azərbaycan diasporunun işləməməsi Azərbaycanın haqq səsinin dünya ictimaiyyətinə doğru çatdırılması işinə mane olurdu. Digər tərəfdən güclü erməni lobbisi Ermənistanın işğalçı siyasətini dünya miqyasında haqq işi kimi tanıtdırmaqda dəridən qabıqdan çıxırdılar. Buna müəyyən mənalarda nail də olurdular. Üstəlik Azərbaycanın daxilində hakimiyyət uğrunda mübarizə ölkəni zəiflədirdi.

Ə. Məmmədov qeyd etmişdir ki, 1993-cü ilin İyun ayında hələ Sovet dövründə Azərbaycanı uzun illər idarə etmiş, zəngin təcrübəyə malik, xalq tərəfindən sevilən lider Heydər Əliyevin hakimiyyətə qayıdışı ilə əlamətdar olub. Növbəti 1994-cü ildə Ermənistanla atəşkəs müqaviləsi eyni zamanda böyük dövlətlərin də iştirakı ilə “Əsrin Müqaviləsi” adlı neft kontraktı imzalanıb. 1995-ci ildə Konstitusiya qəbul edilib. Bununla da Azərbaycanın siyasi və iqtisadi həyatı normallaşma və stabilləşmə mərhələsinə qədəm qoyub.

Diaspor rəhbəri vurğulayıb ki, Azərbaycanda müxtəlif dinlərin və millətlərin nümayəndələri azad və firəvan şəkildə yaşamaq hüququna malikdir. Azərbaycan dünya ölkələri üçün tolerantlıq nümunəsinə çevrilib. Böyük dövlətlərin bir neçə yüz illiklər ərzində əldə etdiklərini Azərbaycan cəmi 25 ildə həyata keçirməyə nail olmuşdur.

Güclü iqtisadi inkişaf fonunda Ermənistanın Azərbaycana olan təcavüzi nəticəsində öz yurd-yuvalarından didərgin düşmüş məcburi köçkünlər və qaçqınların vəziyyəti normallaşdırılır, onlara olan dövlət qayğısı artır. Bir çox məcburi köçkünlər yeni yaradılmış yaşayış məntəqələrində yüksək keyfiyyətli mənzillərlə təmin olunurlar.

Bu illər ərzində Azərbaycan diasporu da böyük inkişaf yolu keçib. Artıq dünyanın ayrı-ayrı ölkələrində təhsil alan, işləyən, yaşayan həmvətənlərimizin yaratdıqları diaspor təşkilatları dünya səviyyəsində öz sözünü deməyə başlamışdır. Artıq səsimizi eşidirlər.

Ə. Məmmədov xüsusilə vurğulamışdır ki, bu il Almaniyada yaradılmış Dünya Azərbaycanlıları Assambleyası kifayət qədər ambisiyalı, xoşməramlı bir təşkilatdır. Təşkilatlanma işi sürətlə və peşəkar formada həyata keçirilir. Onun ətrafında ayrı-ayrı ölkələrdə başda sədr Rəşad Quliyev olmaqla, söz sahibi olan, elmi, siyasi və biznes həyatında böyük işlər görmüş, vətənini sevən, vətən sevgisi ilə alışıb yanan Azərbaycan aşiqləri, Azərbaycanın bugünü və gələcəkləri olacaq insanlar toplanmışlar. Yaddan çıxartmaq lazım deyil ki, dövlət müstəqilliyinin qorunub saxlanılmasında xaricdə yaşayan həmvətənlərimizin, diaspor təşkilatlarımızın böyük rolu vardır. Bu işdə Dünya Azərbaycanlıları Assambleyası da böyük işlər görmək əzmindədir, görür və görəcəkdir.



Tags:  Yaponiyada müstəqillik günü qeyd edildi FOTO

RƏYLƏR


Top news