Aktual mövzular: Dollar alış-satışı , Hava haqqında, Məzənnə, Neftin qiyməti

13 il sonra ikinci olan əfsanə

13 il sonra ikinci olan əfsanə

Date: 19 October 2016 10:32

UEFA Çempionlar Liqasının qrup mərhələsinin III turunda "Lion"la qarşılaşan "Yuventus" çətin oyundan 3 xalla ayrılıb.

Milli.Az apasport.az-a istinadən xəbər verir ki, "qoca sinyora" Xuan Kuadradonun 76-cı dəqiqədə vurduğu qola sevinib.

Turin təmsilçisinin qələbəsində qolla yanaşı komandanın əfsanəvi qapıçısı Canluici Buffonun da əvəzsiz xidməti olub. Görüş ərzində bir neçə epizodda komandasını real qoldan xilas edən "veteran" ilk hissədə Aleksandr Lakazettenin penalti zərbəsini də zərərsizləşdirib (35-ci dəqiqə).
 
Maraqlıdır ki, bunu Buffon ən son 2003-cü ildə bacarmışdı. Belə ki, canlı əfsanə Çempionlar Liqasında sonuncu dəfə 2003-cü ildə, "Real"la qarşılaşmada Luiş Fiqunun zərbəsinin qarşısını almışdı.
 
Qeyd edək ki, 38 yaşlı qolkiper qitənin ən nüfuzlu klub turnirində ən çox penalti qaytaran qapıçılar arasında 2-ci pillədə qərarlaşıb. 4 dəfə penaltini zərərsizləşdirən Buffon, bu cəhətdən yalnız Hans Yörgen-Butdan geri qalır. Keçmiş "Bayer"li qapıçı 5 dəfə komandasını "99%-lik qol"dan xilas edib.

Milli.Az


Tags:  il sonra ikinci olan əfsanə

RƏYLƏR


Top news