Aktual mövzular: Dollar alış-satışı , Hava haqqında, Məzənnə, Neftin qiyməti

Dövrənin son oyunları: "Qəbələ" və "Qarabağ" ilk qələbə iddiasında

Dövrənin son oyunları: "Qəbələ" və "Qarabağ" ilk qələbə iddiasında

Date: 19 October 2016 11:27

Sabah Avropa Liqasında III turun oyunları keçiriləcək.

Milli.Az apasport.az-a istinadən xəbər verir ki, avrokuboklarda mübarizəni davam etdirən Azərbaycan klubları da növbəti sınağına çıxacaq.

Öncə "Qarabağ" doğma azarkeşləri önündə növbəti matçını keçirəcək. Azərbaycan çempionu I dövrənin son oyununda Yunanıstan PAOK-unu qəbul edəcək.
 
J qrupunun autsayderi olan Ağdam təmsilçisi son pillədən qurtulmaq, növbəti mərhələ şansını artırmaq üçün qalib gəlməlidir. O, ilk iki matçda cəmi 1 xal əldə edən Saloniki klubuna çatmaq imkanına malikdir.
 
Əvvəlki iki cəhdində qrupdakı yeganə qələbəsini I dövrədə qazanan komandamız bu dəfə də yarını qalib gəlmədən tamamlamağa iddialıdır. PAOK da təmsilçilərimiz üçün tanış rəqib sayılır. Ötən mövsüm "Qəbələ" ilə qrupda iki dəfə üz-üzə gələn salonikililər qolsuz heç-heçələrlə razılaşmışdılar.
 
"Qarabağ" kimi ilk iki turda qələbə qazana bilməyən "Qəbələ" də son pillədən qurtulmaq niyyətindədir. Fransada "Sent-Etyen"in qonağı olacaq Roman Qriqorçukun yetirmələri ilk qələbə üçün səfərə yollanıblar.
 
Xalı olmayan təmsilçimiz əvvəlki matçlarda nümayiş etdirdiyi məhsuldarlığı fransalılara da göstərmək əzmindədir. "Qırmızı-qaralar" ilk qələbəsini qazana bilməsələr, növbəti mərhələ şanslarını çətinə salacaqlar.
 
Lakin uğurlu nəticə üçün təmsilçimizin müdafiə xətti də etibarlı oynamalıdır. Ölkə çempionatında 9 oyundan sonra qol buraxan "Qəbələ" qrupunda qapısında hamıdan çox top görən komandadır. Hər iki matçda 3 qola üzülən "qırmızı-qaralar" bu uğursuz seriyanı dayandırmalıdırlar.
 
Hər iki komandanın zədəlilərlə meydana çıxacağı matçda Roman Qriqorçuk Baqali Dabo, Nika Kvekveskiri, Rəşad Sadiqov və Elvin Camalovun xidmətindən məhrumdur. Əvəzində cəzası başa çatan Teo Uiks qrupda ilk matçına çıxa bilər.
 
"Qəbələ"nin də rəqibi qrup mərhələsində ölkəmizə gələn komandalardandır. Bu klub 2 il öncə "Qarabağ"la görüşüb. Maraqlıdır ki, həmin oyunlar da heç-heçə nəticələnib - 0:0, 1:1.
 
Qeyd edək ki, qazanılacaq ilk qələbə Azərbaycan klublarının avrokuboklarda yubiley - 75-ci uğuru olacaq.
 
Avropa Liqası
Qrup mərhələsi, III tur
20 oktyabr
 
J qrupu,
21:00.  "Qarabağ" - PAOK (Yunanıstan)

Baş hakim: Alon Yefet
Baş hakimin köməkçiləri: Danni Krasikov, Nissan Davidi
Əlavə köməkçi hakimlər: Rua Reinşreyber, Ziv Adler
Dördüncü hakim: Kiril Balikin  (hamısı İsrail)
Hakim-inspektor: İqor İşenko (Ukrayna)
UEFA nümayəndəsi: Rudolf Mannaerts (Belçika)
Bakı. Tofiq Bəhramov adına Respublika stadionu

1

"Fiorentina" (İtaliya) 

2

1

1

0

5-1

4

2

PAOK (Yunanıstan)

2

1

1

0

2-1

4

3

"Slovan" (Çexiya)

2

0

1

1

3-4

1

4

"Qarabağ" (Azərbaycan)

2

0

1

1

3-7

1

C qrupu

23:05. "Sent-Etyen" (Fransa) - "Qəbələ"

Baş hakim: Ali Palabıyık

Baş hakimin köməkçiləri: Cem Satman, Əkrəm Kan

Dördüncü hakim: Ceyhun Sesigüzel

Əlavə köməkçi hakimlər: Alper Ulusoy, Volkan Bayarslan

Dördüncü hakim: Ceyhun Sesigüzel (hamısı Türkiyə)

Hakim-inspektor: Laslo Vaqner (Macarıstan)

UEFA nümayəndəsi: Yakob Erel (İsrail)

Sent-Etyen. "Joffrua Qişar" stadionu

1

"Anderlext" (Belçika)

2

1

1

0

4-2

4

2

"Maynts" (Almaniya)

2

1

1

0

4-3

4

3

"Sent-Etyen" (Fransa)

2

0

2

0

2-2

2

4

"Qəbələ" (Azərbaycan)

2

0

0

2

3-6

 

Milli.Az


Tags:  Dövrənin son oyunları Qəbələ Qarabağ ilk qələbə iddiasında


RƏYLƏR


Top news