Aktual mövzular: Dollar alış-satışı , Hava, Məzənnə, Neftin qiyməti

Hafiz Paşayev: "ADA Universitetində yeni Elmi Tədqiqat Mərkəzinin fəaliyyəti uğurlu olacaq"

Hafiz Paşayev: "ADA Universitetində yeni Elmi Tədqiqat Mərkəzinin fəaliyyəti uğurlu olacaq"

“Bibiheybətneft” NQÇİ-də laboratoriya binası yenidən qurulub (02 Mart 2017 12:57)
Yeni vəzifə TƏSİS EDİLDİ (23 Fevral 2017 11:48)
ADU-da yeni vəzifə təsis edilib (23 Fevral 2017 11:02)

Tarix: 19 Oktyabr 2016 12:12

"ADA Universitetində "Big Data" Elmi Tədqiqat və Tədris Mərkəzinin yaradılması, fəaliyyəti və nəticələri uğurlu olacaq".

Milli.Az Trend-ə istinadən bildirir ki, bunu Mərkəzin yaradılması ilə bağlı layihənin təqdimatında çıxış edən ADA Universitetinin rektoru Hafiz Paşayev deyib.

H.Paşayev vurğulayıb ki, BP Azərbaycanda iri investorlardan biridir: "BP-nin dəstəyi bizim üçün çox vacibdir. Bu dəstək sayəsində ADA Universitetində "Big Data" Elmi Tədqiqat və Tədris Mərkəzinin yaradılması həm bizim universitetimizin genişlənməsinə, həm də onun müxtəlif profillərdə fəaliyyətinin inkişaf etdirilməsinə imkan verəcək. Bu Mərkəz yalnız ADA universitetinə deyil, Azərbaycanın bütövlükdə bu sahədəki ehtiyaclarını qarşılamağa xidmət edəcək".

Rektor əlavə edib ki, ADA Universiteti öz tələbələrini xüsusilə informasiya texnologiyaları ilə bağlı olimpiadalarda iştirak etməyə göndərir: "Tələbələrimiz orada həm yeni təcrübəyə yiyələnir, həm də öz bacarıqlarını nümayiş etdirirlər".

Qeyd edək ki, Britaniyanın BP şirkəti Azərbaycanda layihələr üzrə tərəfdaşları ilə birlikdə və ADA Universiteti ölkədə ilk "Big Data" Elmi Tədqiqat və Tədris Mərkəzinin yaradılması üzrə layihəni tətbiq edib.

Mərkəz ADA Universitetində yaradılacaq və nəticədə böyük məlumatların təhlili və öyrənilməsi üzrə yeni magistr proqramı işə düşəcək.

Layihə 2016-cı ilin oktyabrından 2017-ci ilin dekabrınadək reallaşdırılacaq.

Milli.Az


Teqlər:  Hafiz Paşayev ADA Universitetində yeni Elmi Tədqiqat Mərkəzinin fəaliyyəti uğurlu olacaq



RƏYLƏR


Top xəbərlər