Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Hakimliyə tələblər dəyişdirilir

Hakimliyə tələblər dəyişdirilir

Date: 19 October 2016 15:03

Azərbaycanda məhkəmə hakimi vəzifəsini tutma ilə bağlı qaydalarda və tələblərdə dəyişiklik edilir.

Milli Məclisdən verilən məlumata görə, bununla bağlı “Məhkəmələr və hakimlər haqqında” qanunun 93 (Hakim vəzifəsinə namizədlərə aid tələblər) və 93-3-cü (Hakim vəzifəsinə namizədlərin seçilməsi) maddələrinə əlavə və dəyişiklik təklif olunur.

Maddə 93-ə təklif edilən əlavə və dəyişikliyə görə, “hakim adı ilə bir araya sığmayan hərəkətlərə yol verdiyinə görə vəzifədən azad edilmiş” sözləri çıxarılır, əvəzinə “barəsində cinayət təqibinə bəraətverici əsaslar olmadan xitam verilmiş, hakim vəzifəsindən intizam qaydasında azad edilmiş” sözləri əlavə edilir.

Maddə 93-3-ə təklif olunan əlavədə isə bildirilir ki, “Bu qanunun 96-cı (Hakimlərin səlahiyyət müddəti) maddəsinin birinci hissəsində nəzərdə tutulmuş qiymətləndirmə nəticəsində səlahiyyətləri uzadılmamış şəxslər 5 il müddətində hakim vəzifəsinə namizədlərin seçilməsi üçün imtahanda iştirak edə bilməzlər”.

Layihə Milli Məclisin plenar iclasına tövsiyə olunub və oktyabrın 28-də müzakirəyə çıxarılacaq. (apa)


Tags:  Hakimliyə tələblər dəyişdirilir

RƏYLƏR


Top news