Aktual mövzular: Dollar alış-satışı , Hava haqqında, Məzənnə, Neftin qiyməti

Dərman idxalçılarına XƏBƏRDARLIQ

Dərman idxalçılarına XƏBƏRDARLIQ

Date: 19 October 2016 16:05

Səhiyyə Nazirliyi dərman vasitəsi idxalçıları və xarici istehsalçı müəssisələrin rəsmi nümayəndəliklərinə xəbərdarlıq edib.

Milli.Az APA-ya istinadən bildirir ki, xəbərdarlıqda qeyd edilib ki, Nazirlər Kabinetinin 13 iyul 2007-ci il tarixli 108 nömrəli qərarı ilə təsdiqlənmiş "Dərman vasitələrinin dövlət qeydiyyatına alınması və reyestrinin aparılması" qaydalarına əsasən, dərman vasitəsinin qeydiyyat vəsiqəsi 5 il müddətinə qüvvədə qalır.

"Farmakopeya qaydalarına əsasən steril dərman vasitələrinin laborator sınağı 15 gün ərzində həyata keçirilir. Həftənin şənbə və bazar günləri Analitik Ekspertiza Mərkəzinin iş günü olmaması, bəzi hallarda istirahət, bayram və digər qeyri-iş günlərinin həftə içi günlərə təsadüf etməsi nəticəsində dərman vasitəsinin sənədlərinin ekspertizası və nümunələrinin laborator sınaqlarının aparılmasına qədər qeydiyyat vəsiqəsinin qüvvədə olma müddətinin bitməsi hallarına rast gəlinir. Bununla əlaqədar olaraq dərman vasitəsinin qeydiyyat vəsiqəsinin qüvvədə olma müddətinin bitməsinə 30 təqvim günündən az qaldığı təqdirdə ölkəyə idxal olunması məqsədəmüvafiq hesab edilmir", - deyə xəbərdarlıqda qeyd olunub. 

Milli.Az


Tags:  Dərman idxalçılarına XƏBƏRDARLIQ

RƏYLƏR


Top news