Aktual mövzular: Dollar alış-satışı , Hava haqqında, Məzənnə, Neftin qiyməti

Qurban Qurbanov: "İtkilərimiz var"

Qurban Qurbanov: "İtkilərimiz var"

Date: 19 October 2016 18:57

PAOK-a qalib gəlmək üçün bütün vasitələrdən istifadə etməliyik.

Trend-in məlumatına görə, bunu "Qarabağ" klubunun baş məşqçisi Qurban Qurbanov deyib.

Baş məşqçi qeyd edib: "Qrupda 3-cü oyunumuzu keçirəcəyik. Bizim üçün həddindən artıq əhəmiyyətli matçdır. Yaxşı nəticə əldə etmək üçün ən doğrusunu etməyə çalışmalıyıq. Komandamız oyuna hazırdır. Düzdür, bəzi itkilərimiz var. Buna rəğmən, hazırıq. Hər bir oyunçu ilə ətraflı söhbətimiz olub. Rəqibi sabahkı matça qədər yenə də təhlil edəcəyik".

Q.Qurbanov PAOK-un 4 xalı olduğunu xatırladıb: "Çalışacağıq ki, sabah yaxşı oynayaq. PAOK-a qalib gəlmək üçün bütün vasitələrdən istifadə etməliyik. Mən azarkeşlərdən həmişə razı qalmışam. Ola bilər, stadiona az adam gəlsin. Amma bunu normal hal sayıram. Həmişə istədiyimiz kimi olmur. Sabaha kimi azarkeşimizin sayı çoxalacaq".

Qeyd edək ki, sabah UEFA Avropa Liqasının qrup mərhələsi çərçivəsində "Qarabağ" Bakıda Yunanıstanın PAOK klubunu qəbul edəcək.

Milli.Az


Tags:  Qurban Qurbanov İtkilərimiz var

RƏYLƏR


Top news